الحامل في توأم بتحتاج ملاحظة ودقة حسابات أكتر بشوية من الحامل في جنين واحد، لإنها بتكون معرضة للولادة المبكرة، ولأعراض ومضاعفات أكتر، علشان كده هنقولك كل علامات قرب ولادة التوأم:
-
علامات قرب ولادة التوأم
الولادة القيصرية مش بيكون لها علامات، لإنه موعد بيحدده الطبيب، أو حالة طارئة بتحتاج التدخل الجراحي الفوري، لكن الولادة الطبيعية هي اللي بتكون لها علامات وأعراض، والعلامات دي في منها بيظهر قبل أيام من الولادة وفي بيظهر قبل ساعات وبيستمر لحد لحظة الولادة:
- علامات الولادة بتوأم قبلها بأيام:
- ألم متقطع في أسفل البطن والضهر.
- مغص في منطقة الحوض شبيه بمغص الدورة الشهرية.
- ازدياد الثقل في أسفل البطن.
- الإصابة بالإسهال لمدة يومين أو ثلاثة قبل الولادة.
- زيادة الإفرازات المهبلية بشكل كبير.
- نزول قطرات من الدم، أو اختلاط الإفرازات بالقليل من الدم.
- تصلب البطن وتحجره، والحامل بتحس بيه مشدود قوي.
- الشعور بالحاجة لتنظيف المنزل وترتيبه.
- الحنين إلى الأسرة وحنان العائلة.
- تقلبات المزاج والعصبية الحادة.
- علامات الولادة بتوأم قبلها بساعات:
- الحاجة للتبول والإخراج بشكل كبير جدًا ومتكرر جدًا.
- ظهور عندك طاقة أعلى للحركة والعمل.
- زيادة الألم المصاحب للانقباضات بشكل أكبر ومدتها ووتيرتها أعلى.
- الإصابة بالإسهال الشديد أو الغثيان.
- انخفاض ثقل البطن جدًا، لأن الطفل بينزل إلى أسفل الحوض.
- التنفس بشكل أعمق وأطول.
- فتح كيس الماء ونزول السائل الأمنيوسي من فتحة المهبل.
- نزول قطرات من الدم وإفرازات مهبلية كثيفة.
- نزول السدادة المخاطية اللي بتسد عنق الرحم خلال فترة الحمل.
-
إمتى الحامل بتوأم تروح المستشفى استعدادًا للولادة؟
طبعًا طول الوقت لازم تكوني متواصلة مع طبيبك، بس لازم تروحي المستشفى فورًا، لما تظهر أي علامة من العلامات دي:
- تسارع وتيرة الانقباضات بمعدل انقباضة واحدة كل عشر دقائق، وده اللي بنسميه الطلق.
- عدم القدرة على تحمل ألم المخاض.
- نزول السائل الأمنيوسي أو ما يعرف بماء الولادة.
- نزول دم بشكل كبير مش مجرد قطرات.
- استمرار الانقباضات وتواصلها بحيث تكون مؤلمة لدرجة لا يمكن احتمالها.
5 حاجات ممنوع تعمليها وانتي رايحة تولدي
مع تمنياتنا ليكي وللتوأم بالصحة والسلامة
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
What’s your Reaction?
التعليق باستخدام حساب فيس بوك