محتويات المقال
الآيس كريم ممتع في كل صوره وأشكاله، بس تورتة الآيس كريم لها كده مكان خاص في عالم الحلويات. وده لأسباب كتير الحقيقة، منها إنها تورتاية، يعني حاجة كده عائلية شكلها بيكون لذيذ ومبهج ويفتح النفس، وأكيد منعشة وبترطب على القلب في أيام الصيف الحارقة اللي بنمر بيها دلوقتي. على طريقة شيف غادة التلي، جيبنالك النهارده 3 وصفات سهلين جدًا لتحضير تورتة الآيس كريم بأشكال وطرق مختلفة للتقديم، جربيهم وقولي لنا رأيك.
الطريقة الأولى
تورتة الآيس كريم بالكريم شانتيه
تورتة الآيس كريم – المصدر cbcsofra
المقادير
- كيكة جاهزة
- آيس كريم شوكولاتة
- آيس كريم فانيليا
- رقائق الشوكولاتة (chocolate chips)
- كريمة مخفوقة
- كريز
- 4 عبوات شوكولاتة كور
- شوكولاتة قابلة للدهن
الطريقة
- قسمي الكيكة طبقات، واحشي بين كل طبقة والتانية بآيس كريم الفانيليا والشوكولاتة والشوكليت شيبس.
- غطي الكيك بالكريمة المخفوقة، ودخليها الفريزر تجمد.
- زيني بكور الشوكولاتة والكريز والشوكولاتة المبشورة.
الطريقة التانية
تورتة آيس كريم الشوكولاتة
تورتة الآيس كريم – المصدر cbcsofra
المقادير
- 3 كوب بسكوت بالشوكولاتة مطحون
- 2 كيلو آيس كريم شوكولاتة
- 2 كوب شوكولاتة حسب الرغبة
- كوب مارشميلو صغير الحجم
- 50 جم زبدة
- للوجه: 250 جم شوكولاتة مذوبة
- 3 كوب مارشميلو صغير
- علبة قشطة
الطريقة
- يخلط البسكوت المطحون مع الزبدة ويفرد في صينية الشيز كيك.
- يخلط الآيس كريم مع 1 كوب من المارشميلو وقطع الشوكولاتة ويفرد الخليط فوق طبقة البسكوت.
- اخلطي 250 جم من الشوكولاتة المذوبة مع علبة القشطة، وافرديها فوق طبقة الأيس كريم ودخليها الفريزر لحد ما تتماسك.
- ضيفي المارشميلو المشوي على الوش وقدميها باردة.
الطريقة التالتة
تورتة آيس كريم بأصابع الكيت كات
cbcsofra
المقادير
- شوكولاتة أصابع
- بسكوت بالشوكولاتة
- 1 كيلو آيس كريم فراولة
- 1/2 كيلو آيس كريم شوكولاتة
- 1/2 كيلو آيس كريم فانيليا
- كيك فانيليا جاهز
- كرات شوكولاتة وشوكولاتة ملونة للتزيين
الطريقة
- في قالب مستطيل مبطن بورق النايلون، ضعي طبقة من الكيك وفوقها طبقة من الآيس كريم، كرري الطبقات بالأنواع والألوان المختلفة للآيس كريم لحد انتهاء الكمية.
- غطي الوش بالنايلون ودخليها الفريزر لحد ما تجمد، اقلبيها وزينيها بأصابع الشوكولاتة والشوكولاتة الملونة وقدميها.
وبكده نكون شاركنا معاكي وصفات شيف غادة التلي لعمل تورتة الآيس كريم بأسلوبها السهل البسيط. نتمنى تجربي الوصفات وتستمتعي بيها مع عيلتك وضيوفك.
What’s your Reaction?
التعليق باستخدام حساب فيس بوك