بنسمع كتير دلوقتي عن كلمة “عملية تجميد البويضات” وبنات كتير بدأوا يفكروا في الموضوع بجدية، وفكرة تجميد البويضات لسا في عالمنا العربي ما بين الانتشار وعدم التقبل والخوف منها، وفي المقال ده هنقولك بالتفصيل كل حاجة تخص تجميد البويضات، من معناها لطريقتها لآثارها الجانبية على صحة المرأة، لرأي الشرع فيها:
يعني إيه تجميد بويضات؟
هي استخراج بويضات من مبيض السيدة، وتتجمد على حالتها بدون تخصيب، كطريقة للحفظ علشان تستعمل فيما بعد عن طريق إذابة تجميد البويضة، وبعدين تتلقح بحيوان منوي في المعمل، وزرع البويضة المخصبة في الرحم، نفس عملية التلقيح الصناعي.
ليه حد يلجأ لتجميد البويضات؟
لإن هو طريقة بتضمن الحمل فيما بعد، فلو بنت مش عاوزه تتجوز حاليًا بس في نفس الوقت عاوزه تخلف، أو سيدة متزوجة بس مش عاوزه تحمل حاليًا وفي نفس الوقت عاوزه تضمن قدرتها على الحمل فيما بعد، كطريقة بديلة عن طرق تخصيب المبيض مرة تانية، وفي حالات مرضية ممكن تضطر السيدة إنها تجمد بويضاتها زي:
- بعض الأمراض اللي بتأثر على الخصوبة، زي فقر الدم المنجلي، أو أمراض المناعة زي الذئبة الحمراء.
- علاج السرطان بالإشعاع أو العلاج الكيماوي بدون تأثير على خصوبتك وبويضاتك.
مهم تعرفي أعراض وعلامات التبويض الأكيدة عند المرأة
مخاطر تجميد البويضات
- آثار جانبية لاستخدام أدوية الخصوبة عن طريق الحقن، واللي بتكون عبارة عن ألم في البطن والشعور بالانتفاخ والغثيان والقيء والإسهال.
- مضاعفات لعملية استخراج البويضات، زي الآثار الجانبية لحقن البزل المستخدمة لاستخراج البويضات من نزيف أو عدوى او تضرر أمعاء ومثانة وأوعية دموية.
- مخاطر عاطفية وانفعالية، لإن تجميد البويضات بيدي أمل في الإنجاب، في حين إن الموضوع مش مؤكد 100%.
- ممكن تتعرضي للإجهاض التلقائي على حسب العمر اللي جمدتي فيه البويضات، فلو كان عمرك كبير وقت تجميد البويضة، ده بيأثر في كفاءة البويضة نفسها، علشان كده بتكوني معرضة بشكل أكبر للإجهاض لا قدر الله.
مخاطر تجميد البويضات
محتاجة أعمل إيه علشان أجمد البويضات؟
تروحي لدكتور تخصصه غدد صماء تناسلية وغالبًا هيطلب منك الفحوصات دي:
- فحص مخزون المبيض، لتحديد عدد البويضات وممكن يطلب منك فحص تركيز هرمون منشِّط للحوصلة (FSH) وهرمون الإيستراديُول في الدم في اليوم التالت من الدورة الشهرية. وده هيساعد في التنبؤ بمدى درجة استجابة المبيضين لأدوية الخصوبة.
- قد يوصى بإجراء تحاليل دم تانية وفحوصات بالموجات فوق الصوتية على المبيضين للحصول على تقييم أشامل أكتر لوظائف المبيضين.
- فحوصات للكشف عن الأمراض المعدية، زي فيروس نقص المناعة والتهاب الكبدي C,B.
هنا ممكن تشوفي مدة تأجيل الحمل في بداية الجواز.. المدة المثالية قبل أول حمل
إزاي بيتم استخراج البويضات وتجميدها؟
- بيتم استخراج البويضات تحت تأثير التخدير، وعادة بيكون في عيادة طبية.
- وفي طريقة للاستخراج عن طريق الشفط بالموجات فوق الصوتية خلال المهبل، وبيتم إدخال آداة جهاز تصوير بالموجات فوق الصوتية داخل المهبل للمتابعة.
- وبتتوجه إبرة خلال المهبل، ويستخدَم جهاز امتصاص متصل بالإبرة لاستخراج البويضة. ويمكن استخراج أكتر من بويضة، والدراسات بتقول، إن لو تم استخراج لحد 15 بويضة، ففرص الإنجاب بتزيد.
- وبعد استخراج البويضة، ممكن السيدة تحس بتشنج. وقد يستمر الشعور بالانتفاخ أو الضغط لأسابيع لأن المبيضين هيفضلوا متضخمين.
- بعد الحصول على البويضات غير المخصّبة بفترة قصيرة، تخضع للتبريد لدرجات حرارة أقل من الصفر للاحتفاظ بيها للاستعمال في المستقبل.
- العملية المستخدمة غالبًا لتجميد البويضات بتتسمى التبريد السريع. تستخدم تركيزات عالية من مواد تساعد على الحد من تكوّن البلورات الجليدية بالإضافة للتبريد السريع خلال عملية التجميد.
مرحلة تجميد البويضات
لو أنا عذراء، إزاي هتتم عملية استخراج البويضات؟
الطريقة الأساسية لاستخراج البويضات بتكون من المهبل، لكن لو انتي عذراء ممكن تتم العملية بطريقة تانية، باستخراج البويضات من البطن، بدل ما بتدخل إبرة الاستخراج من المهبل، بتدخل من خلال البطن وصولًا للمبايض، بس بتكون عملية تحت تأثير التخدير الكلي.
لو عندك مشكلة في تأخر الحمل: إمتى نقلق من عدم حدوث حمل
أعراض ما بعد العملية:
- في الحالات العادية، تقدر السيدة ترجع لأنشطتها العادية خلال إسبوع من عملية استخراج البويضات.
- المفروض تخلي بالها من ممارسة العاقة الحميمة بدون وسائل منع حمل، علشان ممكن جدًا يحصل حمل.
لازم تتواصل مع الطبيب لو ظهرت عليها الأعراض دي:
- حرارة فوق 38.6 درجة.
- ألم شديد في البطن.
- زيادة الوزن فوق كيلو خلال 24 ساعة.
- نزيف مهبلي حاد، وده بتعرفيه لو غيرتي الفوطة الصحية مرتين خلال ساعة واحدة.
- صعوبة في التبول.
كام تكلفة تجميد البويضات في مصر؟
أكيد بتختلف من مكان لمكان، لكن متوسط التكلفة بتكون حوالي 15 ألف جنيه مصري، ودي بتشمل رسوم المستشفى والطبيب والأدوية والفحوصات.
لكن في تكلفة زيادة عن كل سنة بتحتفظي فيها ببويضاتك، بتكلف تقريبًا من ألف لألفين جنيه في السنة.
تجميد البويضات
إيه رأي الشرع في تجميد البويضات؟
دار الإفتاء المصرية قالت إن تجميد البويضات مباح بس بالضوابط دي:
- إن عملية التخصيب تكون بين زوجين، وتكون علاقتهم الزوجية مازالت قائمة، مش منفصلين أو حد فيهم متوفي لا قدر الله، ويكون الزوج هو صاحب الحيوان المنوي اللي هيتم تلقيح البويضة المجمدة بيه.
- لازم يكون حفظ البويضات في مكان آمن تمامًا ومنضبط، ومفيش أي نسبة خطأ ممكن تحصل زي تبديل البويضات مثلا.
- لما تتخصب البويضة المجمدة بالحيوان المنوي للزوج، لازم تتزرع في رحم الزوجة، وعدم استخدام رحم بديل تحت أي مسمى.
- ضمان إن العملية دي كلها مش هتأثر صحيًا على الجنين الناتج منها، ولا تعرضه للتشوهات الخلقية والتأخر العقلي لا قدر الله.
وتقدري تشوفي نص الفتوى وتفاصيلها من هنا
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
mayoclinic.org
التعليق باستخدام حساب فيس بوك