وجود الأب في حياة الطفل والتأثير اللي بيعمله ملوش مثيل ولا بديل!
الدراسات أثبتت ان الطفل اللي أبوه له دور مؤثر في حياته وبيشاركه في تفاصيله اليومية بيكبر وهو بني آدم أسعد وأنجح لإن إحساسه بالأمان أعلي.
بمناسبة يوم الأب العالمي هنقول لكل أب النهاردة عن 5 ادوار بيقوم بيهم وجودك في حياة ولادك واللي مفيش حاجة في الدنيا تقدر تقوم بيها غيرك:
التطور والنمو العاطفي في شخصية الطفل
الأب زيه زي الأم بالظبط في تنمية الرفاهية العاطفية للطفل.
الطفل بيستمد من الأب شعوره بالأمان ، جسديًا وعاطفيًا.
الأبحاث اثبتت ان الأب الحنون الداعم المشارك لطفله في تفاصيل حياته بيقدر يأثر بشكل كبير جدا علي المهارات العاطفية والاجتماعية لأطفاله وكمان بيعلي عندهم مشاعر الثقة بالنفس.
دور الأب في تشكيل علاقات الطفل في حياته
الأب مش بس بيأثر علي تكوين طفله نفسيا وعاطفيا لكن كمان دوره مهم جدا وبيأثر بشكل مباشر علي اختيارات علاقات الطفل مع الناس كل ما بيكبر.
لأن الطريقة اللي بيعامل بيها الأب ابنه/بنته بتحدد اللي هيدور عليه الطفل في علاقاته طول حياته.
سواء اصحابه او علاقاته العاطفيه بعد كدة.
دور الأب في حياة البنت
البنات بالذات بيكون ارتباطهم قوي جدا بالأب، بالذات لو الأب مهتم بيها ومركز في تفاصيله!
علاقتك ببنتك هي اللي هتحدد علاقاتها واختياراتها بشكل كبير وبنظرتها للراجل بشكل عام.
ده غير ان احتوائك ومصاحبتك ليها من أهم اسباب احساسها بقيمة نفسها وبنظرتها ليها من خلالك انت.
دور الأب في حياة الولد
الأب في حياة ابنه عامل زي السوبر هيرو، الطفل بيبصله ويقلده في كل هفوة حتي لو مش واخد باله، بيشكل جواه شكل الراجل اللي مفروض يكون عليه والطريقة اللي بيحدد علي اساسها التعامل مع العالم من حواليه.
دورك في حياة ولادك أكبر بكتير ما إحنا نتخيل، تشكيل شخصيتهم ونظرتهم للدنيا بيحصل من خلالك زيك زي الأم بالظبط، دورك لتوفير حياة كريمة مهم لكن افتكر دايما إن دورك الأكبر في البصمة اللي بتسيبها جوا ولادك أهم واعظم بكتير. كل سنة وكل أب في الدنيا طيب وموجود ومؤثر في حياة ولاده.
التعليق باستخدام حساب فيس بوك