تنظيف الفراخ ممكن يكون صعب بالنسبة لأمهات كتير عشان لو الطريقة ما اتعملتش صح، طعم وريحة الفراخ حتى بعد ما تستوي بيكون زفر. لو بتواجهي صعوبة في تنظيف الفراخ والتخلص من ريحة الزفارة، اقري الموضوع ده هنقول لك على ٣ طرق سهلة ومنقذة لتنظيفها.
5 أسرار لـطريقة سلق اللحمة والفراخ
تنظيف الفراخ بالطحينة
ودي طريقة مش متعودين عليها لتنظيف الفراخ بس سيدات كتير جربتها وبتنصح بيها. بعد ما تتخلصي من الزوائد اللي في الفراخ، اخلطي ٣ أو ٤ معالق كبار من الطحينة ومعاهم عصير ليمونة كبيرة وادعكي بيها الفراخ كويس، وسيبي الخليط عليها لمدة ربع أو نص ساعة وبعدين اشطفيها تحت المياه كويس هتلاقي كل الزفارة اختفت.
تنظيف الفراخ بالدقيق
من أشهر الطرق المعروفة لغسيل الفراخ، بعد ما تتخلصي من الزوائد هاتي دقيق وملح خشن وافركي الفراخ بيها كويس وانقعيه في شوية ميه وليمون وخل.
دليلك لعمل أشهر تتبيلات اللحوم والفراخ والأسماك
تنظيف الفراخ بالكركم
هاتي معلقة كبيرة من الكركم والملح الخشن وملح الليمون ومعلقتين كبار من الدقيق واخلطيهم مع بعض وادعكي بيه الفراخ كويس وسيبيها لمدة ربع ساعة واشطفيها كويس من الخليط وادعكيها تاني بالليمون واشطفيها بالماء البارد.
بعد خطوات تنظيف الفراخ اللي اتكلمنا فيها، ما تنسيش تشطفيها كويس أوي عشان أي خلطة من دول متأثرش على الطبخ، صفيها كويس في مصفاة عشان تتخلصي من السوايل اللي فيها وتبليها بتتبيلة حلوة من التتبيلات الموجودة في المقال ده وألف هنا وشفا 🙂
خمس أفكار لطهي صدور الفراخ المخلية
التعليق باستخدام حساب فيس بوك