بعد انتشار فيروس الكورونا، كانت من أكتر الدول المتضررة من الفيروس وانتشاره هي إيطاليا اللي وصل أعداد المصابين والوفيات فيها لأرقام كبيرة أدت لرعب شديد في العالم كله على مصير إيطاليا وكمان أدت لفرض حظر إجباري كامل في مدن إيطالية كتير. لكن زي ما الست أم كلثوم غنت كده: “بعد الليل يجينا النور وبعد الغيم ربيع وزهور”. إيمانويل فارنتي رئيس تحرير النسخة الإيطالية من مجلة Vogue فوج العالمية للموضة بيقول إن الأبيض ولادة جديدة، ضوء بعد ظلام ومجموع كل الألوان. الأبيض هو الزي الرسمي لمن يضحون بأرواحهم من أجل إيطاليا والعالم، الأبيض لمن يملأون الزمان والمكان بالقصص والأفكار والشعر والموسيقى والعناية بالآخرين، الأبيض لا يستسلم، هو صفحة فارغة يجب ملؤها ومقدمة قصة جديدة على وشك البداية. أما فيرديناندو فيرديري المدير الفني لفوج إيطاليا فبيقول: “في الأوقات اللي زي دي، نؤمن بإن غلاف صامت بيعبر أكتر كتير من أي كلام أو صور.
المصدر: Vogue.it – غلاف مجلة Vogue الإيطالية باللون الأبيض
وبيقول فيرديناندو في مقاله “ليه الغلاف فاضي؟” إن الأبيض هو رسالة إنسانية يفهمها أي حد، رسالة قوة ونقاء وأمل. وبالرغم من إن الغلاف فاضي، إلا إن العدد بيحمل إيطاليا وهي بترجع للحياة من تاني، في صورة صور بعتها 40 فنان وفنانة كلهم بعتوا الصور دي من الحظر طلب منهم يكونوا واقعيين في الوقت الصعب اللي احنا فيه، ويصوروا صور بسيطة وصادقة عشان تعبر عن اللحظة اللي هم عايشينها بصدق وحقيقية.
عشان تقروا مقالة فيرديناندو فيرديري المدير الفني لفوج إيطاليا، وتشوفوا الـ40 عمل فني اللي نشرتهم فوج إيطاليا في عددها صاحب الغلاف الفارغ، زوروا اللينك ده
التعليق باستخدام حساب فيس بوك