بعد الولادة ولمدة هتستمر بين أسبوعين لـ 6 أسابيع ” فترة النفاس ” جسمك هيتخلص من بطانة الرحم عن طريق نزول حيض ما بعد الولادة أو دم النفاس اللي هيقل تدريجيًا مع انكماش حجم الرحم ورجوعه للحجم الطبيعي.
في البداية هيكون دم النفاس باللون الأحمر الداكن اللي هيتغير تدريجيًا للون الوردي وبعد كده يبدأ يميل للون البني بعدين الأبيض المصفر اللي بيكون علامه إن هيتوقف خلاص.
تجهيزات الولادة: إزاي ارتب بيتي قبل الولادة؟
أهم نصائح فترة النفاس:
- استخدمي الفوط الصحية الخاصة بفترة النفاس لأنها بتتميز بالطول والنعومة والامتصاص العالي لو قارنتيها بالفوط الصحية العادية، في البداية وعشان تتجنبي الالتهابات هتحتاجي غالبًا إنك تغيري الفوطة كل ساعة وبالتدريج هتزيد المدة اللي تقدري تقعدي فيها من غير تغيير، وما تنسيش أبدًا غسل إيدك وتعقيمها قبل وبعد تغيير الفوطة.
- ما تستخدميش الملابس الداخلية الصغيرة لأنها مش هتحافظ على الفوطة الصحية في مكانها وده غالبًا ممكن يسبب لك لخبطة وإحراج وألم لو كان عندك جرح وخياطة، بدل الملابس الداخلية الصغيرة استخدمي الملابس الداخلية اللي معمولة من القطن ولها وسط عالي، وجربي في الأيام الأولانية من الولادة إنك تستخدمي ملابس لاستخدام المرة الواحدة فقط – لو ده متاح بالنسبة لك- عشان ما تشغليش بالك بفكرة الغسيل في وقت هتكوني فيه محتاجة للراحة وعدم الإجهاد خاصة في المستشفى وفي أول يومين.
- استحمي مرة يوميًا بس راعي إنك ما تستخدميش أملاح التنظيف أو سوائل الاستحمام ذات الرائحة النفاذة أثناء فترة التئام جرح الولادة، بس ينفع إنك تحطي أحيانا قطرات من الزيوت العطرية لمياه الاستحمام، وممكن كمان تستخدمي المطهرات المهبلية عشان تسرعي عملية شفاء الخياطة في منطقة العجان.
- استشيري طبيبك لو كان دم الحيض غزير لدرجة أنك ممكن تحتاجي لأكثر من فوطة صحية من الفوط الخاصة بالأمومة خلال الساعة الواحدة أو لو لقيتي تجمعات دموية بحجم العملة المعدنية، أو إذا تسبب لك نزول الدم في ارتفاع درجة حرارة جسمك أو في رعشة أو لاحظتي أن ريحة الدم كريهة.
- كل ما كان الدم أحمر اللون فده معناه إنك محتاجة ترتاحي ضروري وما تجهديش نفسك قدر الإمكان، أجلي ممارسة أعمال المنزل لغاية ما يبدأ لون الدم في التحول للون الوردي.
طرق طبيعية لتنظيف الرحم بعد الدورة الشهرية
مع تمنياتنا ليكي بالصحة والسلامة.
المصادر:
التعليق باستخدام حساب فيس بوك