محتويات المقال
من أول يوم رمضان، السوشال ميديا كلها بتحتفي بإعلان فودافون لرمضان 2021 اللي بيعرض قصة حياة وكفاح الفنانة الجميلة شريهان. شريهان أيقونة الجمال والرشاقة في طفولتنا واللي كلنا زعلنا لما بطلت فوازير، وما كناش فاهمين قوي واحنا صغيرين إيه اللي حصل وحرمنا منها. في إعلان فودافون رمضان 2021، عرفنا كلنا إيه اللي حصل من الرقصة اللي هنتكلم عليها كمان شوية.
فستان شريهان
شريهان – رمضان 2021
شريهان – رمضان 2021
الفستان الرائع ده اسمه “ميس ديور” وهو فستان من كولكشن 1949 اللي اسمه “Trompe-L’oeil” أو “خداع بصري”. مطرز بـ1000 وردة وبيعتبر من ميراث ديور. والفستان كان جزء من معرض متحف ديور في 2011. وقال عنه كريستيان ديور: “التطريز لسه بيتعمل بالإيد زي ما كان في القرن الـ18”.
اعرفي من هنا قائمة مسلسلات رمضان 2021 وقنوات العرض بالمواعيد
الجنود المجهولة في الإعلان
رغم إن طلة شريهان نستنا الإعلان واللي فيه، إلا إننا لازم برضه نعترف إن الإعلان تنفيذه كان رائع، زي الفستان وزي الفكرة وزي رجوع شريهان لرمضاننا. هنبدأ من الإخراج: أخرج الإعلان محمد شاكر خضير، اللي أخرج أعمال كتير كبيرة ومهمة زي جراند أوتيل، ولا تطفئ الشمس وكل أسبوع يوم جمعة. مدير التصوير في الإعلان كان أحمد المرسي.
الرقصة
أما عن الرقصة الرائعة اللي كانت بطلة الإعلان، رقصة الحادثة وتكوين العربية والعملية في ضهرها، كلها كانت من إبداع المصري الجميل هاني أباظة، مصمم الرقصات اللي كمان كان المصمم للرقصات اللي اتنفذت في موكب المومياوات.
رسالة الإعلان
رسالة الإعلان الجميلة اللي كلنا في رأيي محتاجين نتمسك بيها هي إننا دايمًا أقوى من اللي بيحصل لنا. مهما حصل لنا، لازم نواجهه، ونعديه، ونرجع أقوى من الأول زي الملهمة الجميلة شريهان. ياللا قومي بصي في المراية وقولي لنفسك قد إيه انتي قوية!
التعليق باستخدام حساب فيس بوك