أكل الثوم على الريق واحد من أقدام العلاجات المنزلية وحتى في الطب الشعبي القديم وده بسبب فوائد الثوم على الريق الحقيقة والفعالة اللي أثبتت فاعليتها مهم اتطور العلم.
السبب في إنتشار نصيحة استحدام الثوم على الريق بيرجع للفوائد الحقيقة اللي موجودة في الثوم، واللي هنتكلم عن أثرها على الصحة الجسدية بشكل أكبر مع بعض هنا، جبت لكي فوائد الثوم عند أكله على الريق يومياً هتخليكي تنتظمي على العادة دي دايما.
فوائد الثوم على الريق
- بيساعد على تخفيض الوزن:
من الحاجات اللي أثبت التوم فاعليته فيها لما يتم تناوله على الريق هو قدرته على محاربة الدهون وخصوصا الضارة منها، وفي نفس الوقت القدرة على زيادة معدل التمثيل الغذائي اللي احنا بنسميه الحرق للسعرات.
- بيتحكم في معدلات السكر في الدم:
من الفوائد اللي اكتشفها العلماء هي قدرة الثوم على المساعدة في تحكم في معدل السكر في الدم لأصحاب مرض السكر من النوع الثاني، وده عن طريق وجود مادة إسمها الأليسين Allicin اللي ليها دور فعال في مساعدة البنكرياس في ضخ معدلات انسولين مضبوطة في الدم، علشان كدة بينصح الأطباء بتناول مرض السكر فصين توم نايين مسحوقين خلال اليوم.
- الثوم بيقاوم الاكتئاب:
الثوم عنصر رائع للصحة الجسدية والعقلية خصوصا لو إتاكل ني وعلى معدة فارغة، من المعروف أن الثوم له خصائص طبيعية في رفع الحالة المزاجية بجانب طبعا فايدته في موازنة المواد الكيميائية في جسمك وده بيشمل المواد الكيميائية في الدماغ. الاكتئاب بيحدث أساسا بسبب عدم توازن المواد الكيميائية في الدماغ وعلشان كدة جه ترشيح الثوم في قدرته على محاربة الاكتئاب.
- أكل الثوم على الريق بيمنع السرطان:
الثوم غني بخصائص مضادة للالتهابات والمضادات الحيوية واللي في حد ذاتها بتعتبر مضادة للسرطان. لما تاكليه ني على معدة فارغة أول شيء الصباح يقدر أنه يساعد في منع بعض أشكال السرطان. وده بيرجع إلى حقيقة أن الثوم غني جدا بالمواد القادرة على إزالة السموم ومضادات الأكسدة.
- تناول الثوم يومياً بيحارب الالتهابات:
زي مااتكلمنا قبل كدة يعتبر الثوم مضاد حيوي طبيعي رائع، طبعا ده لا يعني إنه بديل للأدوية ، إلا أن تناول الثوم ني يوميا يقدر يعزز وظائف الأدوية. فتناول الثوم بانتظام بيساعد في الحفاظ على منع العدوى لفترات طويلة من الزمن.
- بيقلل من ارتفاع ضغط الدم:
من المعروف أن الثوم الني على معدة فارغة بيساعد في محاربة أعراض ارتفاع ضغط الدم. الأطباء بيوصوا دايما بتناول الثوم على معدة فارغة كل يوم كإجراء وقائي للأشخاص اللي ممكن يكونوا معرضين لخطر ارتفاع ضغط الدم.
- ينقي الدم:
تناول الثوم على معدة فارغة مفيد لدورتك الدموية وصحة دمك، مكونات إزالة السموم الموجودة في الثوم بتساعد على إزالة الشوارد في مجرى الدم واللي بدورها بتساعد على تحسن صحة الأوعية الدموية. مضادات الأكسدة والمضادات الحيوية و المضادة للالتهابات اللي في الثوم بتلعب دور حقيقي في تنقية الدم.
- بيساعد على الهضم:
الثوم غني بمضادات الأكسدة والبروبيوتيك. المكونات دي بتساعد في زيادة صحة الأمعاء. بيحتوي الثوم برضه على المعادن والفيتامينات اللي بتلعب دور كبير في تحسين صحة الكبد والمثانة والكلى.كل ده بيشتغل في نفس الوقت مع الخصائص المضادة للإجهاد اللي في الثوم واللي بتوقف الزيادة في حمض المعدة لضمان جهاز هضمي صحي أكتر.
- بيحسن من صحة الرئة:
بيساعد الثوم على تنظيف الجهاز التنفسي. تناول الثوم بانتظام بيساعد على مكافحة أمراض الرئة الخطيرة زي الربو والتهاب الشعب الهوائية والسعال الديكي والسل.وبيساعد في تخفيف احتقان الرئة وتحسين مستويات الأكسجين في الجسم.دغير طبع ان الثوم له خصائص مضاد حيوي ومضاد للالتهابات وبكدة يبقى الغذاء المثالي لنزلات البرد.
- بيمنع التهابات المسالك البولية والكلى:
التهابات المسالك البولية والكلى مشكلة شائعة خصواصا بين السيدات الأيام دي وده راجع أساسا لقلة شرب المياة. علشان كدة واحدة من أفضل العلاجات ليها هي تناول الثوم. الثوم حقيقي بيمنع التهابات المسالك البولية والكلى.
إزاي تقدري تاكلي الثوم على معدة فارغة؟
أكل الثوم على معدة فارغة له عدة طرق هقولك شوية منها:
- افرمي الثوم وكليه ني قبل الإفطار
- قطعيه قطع صغيرة وصبي عليه مياة واشربيه الصبح مع الفطار
- ابلعيه كأنه حبوب دواء بس طبعا اخطاري حبوب صغيرة.
- اقليه بالزبدة والبيض
- استخدميه في السلطات وطبخك اليومي
عموما لازم تتأكدي من أن الثوم اللي بتتناوليه كل يوم إنه يكون طازة. وطبعا متكتريش منه علشان ممكن كل الفوائد دي تتقلب عكس ولو عندك حساسية من الثوم تجنبيه في حياتك تماما، ولو حسيتي بالصداع أو إرتفاع في درجة حارة جسمك وقفي تناوله فورا . الحوامل وأصحاب مرض قرحة المعدة برضه من الممنوعين من أكل الثوم على الريق، قومي بأة شوفي إنتي شايلة الثوم فين.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر
www.prevention.com
www.healthline.com
www.medicalnewstoday.com
التعليق باستخدام حساب فيس بوك