فوائد الخميرة للبشرة والجسم واستخداماتها المدهشة

الخميرة من أكتر أنواع الفطريات فايدة وإستخدامًا في حياتنا، العيش اللي أكلتيه الصبح في الفطار فيه خميرة، ومفهوم الخميرة أصلا مش بينحصر على الخميرة البيرة أو خميرة الخبز لكن بيمتد كمان لأنواع تانية زي الزبادي مثلا وبعض المشروبات وحتى المخلل، بس إحنا النهاردة هنتلكم عن فوائد الخميرة البيرة أو خميرة الخبز اللي أكيد هتخلينا نستخدمها باستمرار

أهم فوائد الخميرة للبشرة والجسم والشعر

• الخميرة مفيدة للمعدة

لو كنتي من النوع اللي بيعاني من الانتفاخ من أقل أكل فده بيكون علامة على كسل حركة الأمعاء والكسل ده بيقلل من وجود البكتريا النافعة واللي بيكون لها دور أساسي في عملة الهضم، لو انتي بتعاني من المشكلة دي فعليكي والخميرة، أفضل شكل ليها اللي بنجيبه من أي مخبز في شكل مكعبات تقدري تقطعيها وتحفظيها في الفريزر، ده لأن عمرها قصير دوبي منها في شوية مياه واشربيهم الصبح، أو لو مش بتحبي الشكل الطبيعي ومش بتتقبليه تقدري تجيبي حبوب الخميرة من الصيدلية وتاخديها مرتين في اليوم لمدة أسبوع مع نظام غذائي متوازن بعيد عن أكل المطاعم وهتلاقي إن المشكلة دي حرفيا اختفت من حياتك.

أهمية فيتامين سي لصحة شعرك وبشرتك

فوائد الخميرة للبشرة

• مقاوم لدهون البشرة الدهنية، من أكتر المشاكل المزعجة لأصحاب البشرة الدهنية هو زيادة إفراز الدهون خصوصا في فترة الصيف، وعلشان تقاومي المشكلة دي فيه ماسك سهل جدا عبارة عن مكعب صغير الخميرة أو كيس خميرة فورية وحطي عليه شوية مياه دافية بحيث يبقى زي العجينة، سيبيه 30 دقيقة وبعد كده حطي طبقة سميكة منه على بشرتك لمدة 20 دقيقة وبعد كده إغسليه بمياه دافية.

• مقاوم لجفاف البشرة: لو بتعاني من مشكلة البشرة الجافة فالخميرة هتساعدك إنك ترطبي بشرتك ..الأول ختجيبي مكعب صغير أو كيس خميرة فورية وتحطي عليه مياة دافية وتقلبيه لحد ما يبقى عجينة وتسبيه 30 دقيقة، في نفس الوقت هاتي صفار بيضة وأنا أنصح بالبيض البلدي الصغير لأن فوائده أعلى وريحته تكاد تكون مش موجودة وتخلطيه مع شوية زيت جنين القمح أو زيت سمسم، وتخلطيهم مع الخميرة وتحطيهم على بشرتك لمدة من 15 لـ 20 دقيقة وتشطفيه بمياه فاترة.

• بتقاوم بهتان أو شحوب البشرة والبقع، بطبيعة الحال مع الزمن قدرة بشرتنا على امتصاص الأكسجين والحفاظ على نضارتها مع أسلوب حياة غير صحي بيسبب ظهور البشرة في شكل غير نضر وظهور البقع، العلماء لقوا إن الخميرة لها قدرة رائعة على تعزيز البشرة بالأكسجين سواء تناولتيها على شكل حبوب أو استخدمتيها كماسك.

• مقاوم لحب الشباب، يمكن من أقدم نصائح أمهاتنا لينا لما كان بيظهر عندنا حب الشباب خدي حبوب خميرة واستخدمي ماسك الخميرة، والحقيقة إن النصيحة دي صح 100% والسبب في كده إن قدرة الخميرة على تعزيز وجود الأكسجين في البشرة مع قدرتها على القضاء على الجراثيم والبكتريا اللي بتتكون على البشرة، وبتكون هي سبب ظهور حب الشباب، استخدمي الخميرة وهتلاحظي مع بداية ستخدامها إن الحبوب زادت وده طبيعي لأنه بيدل على إن جسمك لسه بيتخلص من السموم اللي جواه، مع الانتظام والصبر هتلاقي نتيجة رائعة على بشرتك.

الخميرة وفوايدها للشعر

• إحنا العادي بتاعنا إننا بنخسر شعر كل يوم بس بمعدل طبيعي، لكن مع أسلوب الحياة اللي أصبح ضاغط جدا على الأعصاب ومؤثر على النفسية، أصبح تساقط الشعر بشكل أكبر وواضح ومثير للإنزعاج، وعلشان الشعر يقدر يستعيد حيويته تاني بيحتاج بشكل أساسي لفيتامين B8 ،  اللي متوفر جدا جدا في الخميرة، والماسك بتاعه سهل جدا والانتظام عليه مش بيشكل أي ضرر او إجهاد على شعرك أو فروة راسك، كل اللي هتحتاجيه كيس خميرة فورية مذابة في شوية مياه دافية، هتحطي الخليط ده على شعرك وتدلكي فورة رأسك لمدة نص ساعة وتغسليه بالشكل الاعتيادي بتاعك، هتلاحظي مع الانتظام فرق كبير في النتيجة.

10 أسباب لتساقط الشعر بغزارة بشكل مستمر

ملحوظة:

الخميرة زيها زي أي منتج طبيعي أو حتى صناعي استخدامها المبالغ فيه خطر واستخدامها الصحيح المعتدل هو اللي بيكون فيه الفايدة، فوايدها ممتازة لصحة البشرة والجسم والشعر، هي منتج رخيص التمن وسهل توافره من أي سوبر ماركت أو مخبز قريب منك، حاولي يكون اختيارك دايما للمنتج الطبيعي قبل ما تلجأي لأي منتج كيميائي، واعرفي إن الحصول على النتيجة المرغوبة بيحتاج وقت وصبر، وفي الآخر اهتمي بنفسك لإنك أهم عنصر في معادلة سعادة أسرتك.

المصادر

www.edukale.com
www.timesofindia.indiatimes.com
www.shelookbook.com