محتويات المقال
خلينا نبدأ بمقدمة تاريخية بتقول إن الرقص الشرقي وعلى مر التاريخ الإنساني مكانش دايما مرتبط بالغواية أو ترفيه الجمهور، لا كان مرتبط باحتفال النساء بالأنوثة والحمل، ولما السيدة كانت بتبقى على وشك الوضع كانت بقية سيدات القبيلة بيتجمعوا حواليها ويساعدوها على الرقص اللي بيسهل الولادة وبيبعد آلامها عن طريق السماح للجسم بالانقباض بدل محاربة الانقباضات دي.
بس هنا بيكون في سؤال مع الاحترام للقبيلة والتاريخ وكل الحاجات دي، هو الرقص الشرقي آمن أثناء الحمل أصلا؟
مع الاحتياطات الصحيحة ومعرفة الحركات اللي ممكن تتعمل، ممكن يكون الرقص الشرقي نشاط مليان مرح للسيدات الحوامل ومفيد وبيساعدهم على التوازن وبيقوي العضلات كمان.
فوائد الرقص الشرقي للحامل:
- بيقوي الرقص الشرقي عضلات الحوض والبطن، وده مطلوب بشكل خاص أثناء الولادة، وبيساعد الحامل إنها ترجع على طبيعتها في وقت قريب.
- بيساعد في تقليل التوتر والقلق من الحمل وبيوفر الاسترخاء بسرعة.
- بيعيد الثقة في الجسم اللي كانت عند الأم قبل الحمل..
- بيساعد في بناء والحفاظ على وضعية جيدة بتمنع الضغط على الظهر وتحافظ على لياقة الجسم.
أجمل أزياء وملابس الحوامل على طريقة نانسي عجرم
هتحتاجي إيه لممارسة الرقص الشرقي أثناء الحمل؟
- تنورة واسعة، علشان ما تضايقيكش في الشهور الأخيرة.
- لبس مرن معمول من مواد طبيعية تسمح لبشرتك بالتنفس.
- مش هتحتاجي أحذية لأن الرقص برجلين حافية هي الوسيلة الأسهل والأحسن.
حركات آمنة للرقص الشرقي أثناء الحمل:
- مش كل حركة رقص هتكون مناسبة للحمل، حركي أوراكك ببطء عشان تحافظي على وضعية مناسبة للجنين، حركي حوضك من جنب للتاني ده بيكون سهل أثناء الحمل وبيقوي عضلاتك.
- ما تحاوليش تقلدي الرقص المحترف اللي مليان حركات حادة، حافظي على حركاتك بطيئة ومنتظمة.
- احني ركبتك وانتي بترقصي علشان ما يحصلش تمزق للأربطة.
- ما تعمليش حركة الرعشة لأن ده ممكن يزعج الجنين، ما تنطيش أو تنحني للخلف بضهرك.
- كلي قبل ما ترقصي بساعتين وحافظي على رطوبة جسمك بشكل مستمر.
- عند أي شعور بالألم وقفي فورا ولو الألم زاد روحي لطبيبك.
امتى تمنعي الرقص؟
بصرف النظر لو كان حملك سهل أو صعب فما ترقصيش في الحالات دي:
- لو عندك سكري أثناء الحمل.
- لو عندك ولادة مبكرة في الماضي.
- الرقص ممكن يكون نشاط رائع لاستعادة قوتك أثناء الحمل وتقوية عضلاتك وتسهيل الولادة الطبيعية عليك.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك