في عالم جمال السيدات، كل يوم بيطلع منتج جديد، أو دراسة عن مركب مبتكر، كلهم بيساعدوا المرأة على الحفاظ على جمالها ونضارتها وشبابها، ومن أكتر الحاجات اللي بيحصل فيها ابتكارات هو مجال العناية بالبشرة، بس المشكلة إن الستات بيكونوا مش عارفين هو إيه المنتج ده، وبيعمل إيه، وإيه الفوائد بتاعته وأعراضه الجانبية، ومن منتجات العناية بالبشرة الجديدة جدًا، هو الريتينول، وفي المقال ده هنقولك كل حاجة عنه، من أول إيه هو الريتينول؟ وفوائد الريتينول للبشرة وأضراره، وأفضل أماكن لشراء الريتينول من الصيدلية في مصر.
إيه هو الريتينول؟
- هو أحد مشتقات فيتامين أ، وهو بالأصل مركب كيميائي طبيعي بيتواجد في أنواع معينة من الأغذية الحيوانية وبعض المصادر النباتية.
- تقدري تشتريه بدون روشتة مكتوبة من الطبيب.
- لما بيلامس الريتينول البشرة، بيتحول تلقائيًا لحمض الريتينويك (Retinoic acid) واللي له فوائد كتيرة جدًا للبشرة.
- وعلشان الفوايد دي، بيدخل الريتينول في صناعة مراهم ومستحضرات عناية بالبشرة كتير.
- بتبان نتيجة استخدام الريتينول على البشرة ما بين 3 شهور و6 شهور، على حسب حالة كل بشرة وطبيعتها.
فوائد الريتينول للبشرة
- تفتيح البشرة: وخصوصًا لو فيها بقع غامقة أو ندوب، أو علامات غامقة في أماكن متفرقة من الجسم.
- مقاومة علامات الشيخوخة: لإنه بياعد على إنتاج الكولاجين في البشرة، وده بيؤدي لتقليل التجاعيد والخطوط وعلامات التقدم في العمر.
- علاج حب الشباب: لإنه بيفتح المسام المقفولة، ومقاومة الاتهابات والبكتيريا، وبيعيد توزيع الدهون في البشرة.
- ترطيب البشرة وحمايتها من الجفاف.
- تقشير الخلايا الميتة في البشرة، وده بيديها نعومة أكبر.
ولمعرفة حيل تساعدك في إخفاء علامات التقدم في العمر شوفي المقال ده: 10 حيل هتخلي شكلك يبان أصغر 10 سنين
أضرار استعمال الريتينول
- ممنوع استعماله للحوامل والمرضعات، لإنه بيتكون من فيتامين أ، واللي بيتصنف إنه غير آمن في فترة الحمل والرضاعة.
- في بعض الحالات بيسبب للبشرة جفاف وحكة وقشرة.
- لو استعملتيه بالنهار أو اتعرضتي لأشعة الشمس، للأسف هيسبب ظهور علامات الشيخوخة والتقدم في العمر بشكل أسرع.
إزاي تستعملي الريتينول بشكل صحيح؟
- ابعدي عن استعمال الريتينول بالنهار وفي الشمس، سواء كان لوحده أو ضمن مكونات أي كريم أو مرهم أو واقي شمس. وتقدري تشوفي المقال ده علشان تعرفي أكتر عن الصن بلوك: أشهر 5 خرافات عن الـ Sunblock (الكريم الواقي من الشمس)
- استعمليه في البداية من مرتين لتلاته في الإسبوع، لحد ما تطمني إنه مش هيسبب ليكي أي أعراض جانبية.
- استخدميه كدهان مش كغسول وجه، لإن المفروض تسيبيه على البشرة لفترة من الوقت.
- لو بشرتك حساسة أو عندك أي تاريخ مرضي، يبقى لازم تستشيري دكتورك الأول.
- لو هتستخدمي الريتينول علشان تفتحي المناطق الغامقة، يبقى ادهنيه على المكان اللي عاوزه تفتحيه بس، لإنك لو حطيتيه على كل بشرتك، هتفتحي الأماكن الغامقة والفاتحة برضه، ويبقى معملتيش حاجة.
اشتري كريم الريتينول من الصيدلية منين في مصر؟
- من موقع سوق وده اللينك اللي فيه ماركات كتيرة جدًا للريتينول: من هنا
- من تطبيق يداوي: من هنا
- من الصيدليات الكبيرة زي العزبي وسيف و 19011 وصيدليات مصر وصيدليات صحة وصيدليات رشدي، وغيرهم من الصيدليات.
- من موقع Ubuy، وده لينك منتجات الريتينول: من هنا
-
إيه أشهر ماركات الريتينول؟
- VICHY
أشهر ماركات الريتينول
-
OLAY
أشهر ماركات الريتينول
-
Balea
أشهر ماركات الريتينول
-
The Ordinary
أشهر ماركات الريتينول
مع تمنياتنا ليكي بشباب البشرة والروح والقلب.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
healthline.com
webteb.com
التعليق باستخدام حساب فيس بوك