دايمًا بنشوف في السوبرماركت أو المحلات المتخصصة في بيع الأعشاب، خليط الزنجبيل بالقرفة، وكتير بنسمع عن فوائد الزنجبيل بالقرفة الكثيرة بس مش بنكون عارفين هي الفوائد دي عبارة عن إيه بالظبط. علشان كده، هنقول لك في المقال ده كل حاجة عن فوائد الزنجبيل بالقرفة وطريقة تحضيرها، سواء بتنطقيها زنجبيل أو جنزبيل.
فوائد الزنجبيل بالقرفة
- تقليل الأرق
- تهدئة اضطرابات الجهاز الهضمي
- تهدئة نزلات البرد
- تخفيف آلام الدورة الشهرية
- فوائد منوعة للقرفة
- فوائد منوعة للزنجبيل
-
تقليل الأرق
الزنجبيل بالقرفة بيساعدوا في تهدئة الأعصاب، والتوتر الليلي وخصوصًا اللي بيكون بسبب متاعب الجهاز الهضمي والجهاز التنفسي.
-
تهدئة اضطرابات الجهاز الهضمي
الزنجبيل له قدرة على تخفيف الغثيان والقيء، وخصوصًا لما بيكونوا أعراض جانبية لبعض الأدوية، وبينظم عملية الهضم فبيقل الإحساس بالانتفاخ والغازات. والقرفة كمان بتنظم الهضم وتقلل من الإسهال والإمساك والغازات.
-
تهدئة نزلات البرد
الجنزبيل بالقرفة بيساعدوا في رفع مناعة الجسم، علشان كده بيحاربوا فيروسات زي فيروس الإنفلونزا والحساسية الموسمية.
-
تخفيف آلام الدورة الشهرية
الزنجبيل له خاصية مُسكنة، فبيخفف من تقلصات الرحم، والقرفة بتخفف من آلام الحوض والنزيف اللي بيكون مصاحب للدورة الشهرية.
-
فوائد القرفة المتنوعة
- تنظيم مستوى السكر، وبالتالي الحد من ارتفاعه في الليل والصبح.
- محاربة الأمراض البكتيرية والفطرية.
- تخفيف آلام الأسنان.
-
فوائد منوعة للزنجبيل
- تخفيف الآلام والالتهابات، زي آلام المفاصل.
- تخفيف آلام العضلات.
- تنظيم ضغط الدم.
أهم فوائد القرنفل .. هتخليكي تستخدميه علطول
طريقة عمل الزنجبيل بالقرفة
المكونات:
قطعة طازة من الزنجبيل و2 عود قرفة و2 معلقة كبيرة عسل نحل نقي وده اختياري لو انتي عاوزه تحلي المشروب.
الطريقة:
- قشري الزنجبيل وقطعيه شرائح.
- حطي القرفة والجنزبيل على 4 كوبايت مياه على النار.
- غطي الخليط لحد ما يغلي.
- وطي النار عليهم لمده 5 دقايق بعد الغليان.
- صبي الخليط في كوباية وضيفي العسل.
- غطيه لحد ما درجته تسمح لك بالشرب.
وصحتين وألف هنا
بس بنفكرك إن الزنجبيل بالقرفة بيتشربوا كعناصر مساعدة، لكن لو فيه مرض حقيقي، فإنتي محتاجة تتعالجي تحت إشراف طبيب.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك