لما بتكوني عاملة دايت، أو بتحاولي تحافظي على نمط حياة صحي، كتير بتسمعي كلمة: “اشربي شاي أخضر“، ومش بتعرفي السبب بالظبط من ورا النصيحة دي، أغلبنا عارف إنه مفيد وبيخسس، لكن لما بتنتظمي عليه مش بتحسي بفرق في الوزن ولا حاجة. علشان كده، هنقول لك سبب النصيحة من فوائد الشاي الأخضر، وليه مش بنخس لما بنشربه.
-
ليه الشاي الأخضر مفيد؟
علشان بيحتوي على عناصر مهمة جدًا للجسم زي:
- فيتامينات المجموعة ب.
- حمض الفوليك.
- المنجنيز.
- البوتاسيوم.
- المغنيسيوم.
- الكافيين.
- مضادات أكسدة.
-
إيه هي فوائد الشاي الأخضر؟
-
بيساعد في التخسيس ونزول الوزن
مادة البوليفينول الموجودة في أوراق الشاي والكافيين، بيساعدوا على كفاءة عملية التمثيل الغذائي، لكن الشاي الأخضر لوحده مش هيقلل الوزن، ولازم الانتظام عليه ضمن خطة تخسيس من دايت ورياضة.
فوائد الشاي الأخضر
هنا ممكن تشوفي 6 من أشهر أخطاء الرجيم .. خدي بالك منها
-
حماية الجلد من التصبغات والتجاعيد
وده بسبب مضادات الأكسدة اللي بيحتوي عليها الشاي الأخضر.
-
الحماية من ارتفاع ضغط الدم
مكونات الشاي الأخضر وخاصةً البوتاسيوم، بتساهم في تحسين مرونة الأوعية الدموية، فبتخليها تضخ الدم بشكل أحسن. وكمان الشاي الأخضر بيقلل الكوليسترول الضار في الجسم.
أهم 10 فوائد لتناول الثوم على الريق يوميًا
-
تحسين الذاكرة
الشاي الأخضر ممكن يساهم في تحسين الذاكرة، وده بسبب محتواه من مضادات الأكسدة والأحماض الأمينية اللي تعمل على إرخاء العضلات وزيادة الشعور بالهدوء، وتحفيز نشاط الدماغ وتحسين الذاكرة.
-
تقليل احتمالية الإصابة نزلات البرد والأنفلونزا
بسبب المستويات العالية من المواد المضادة للأكسدة اللي بحتوي عليها الشاي الأخضر، بيساعد على تقوية المناعة، وده بيقلل من خطر نزلات البرد أو الإنفلونزا بنسبة 23% ويقلل من مدة المرض بنسبة 36%.
وكمان مادة البوليفينول الموجودة في الشاي الأخضر ممكن تساهم في الحد من تكاثر فيروس الإنفلونزا.
-
طريقة عمل الشاي الأخضر
مش سهل إنك تلاقي أوراق خضراء للشاي الأخضر، فتقدري تستبدليها بالأوراق الجافة، واللي بتحطيها على كوباية مياه مغلية وتغطيها، وتسيبيها دقايق وبعدين تصفيها وتشربيها بألف هنا.
وبنفكرك إن الشاي الأخضر زي كل الأعشاب، لو زاد عن حده هيكون له أضرار على الجسم، ولو كنتي -لا قدر الله- بتعاني من أي مرض، فمش هينفع تعتمدي على الشاي الأخضر لوحده في العلاج، لإنه وسيلة مساعدة لكنه مش بديل أبدًا عن زيارة الطبيب ولا عن الأدوية العلاجية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك