الكاجو من المكسرات اللذيذة والمفيدة، ومصدر مشهور للدهون الأحادية الصحية غير المشبعة، وده بيخليه مصدر غني للطاقة والفيتامينات والمعادن ومضادات الأكسدة القوية، وله فوائد كبيرة على الصحة عامةً وفي فترة الحمل خاصةً، وفي المقال ده هنقولك على كل فوائد الكاجو للصحة العامة وصحة الحامل:
أهم فوائد الكاجو للصحة العامة:
- تعزيز صحة القلب:
بيعتبر الكاجو مصدر للدهون المفيدة والصحية، ومفيش فيه كولسترول، وده بيخلي للكاجو دور في تخفيض نسبة الكولسترول السيئة والدهون الثلاثية، وبالتالي فهو مهم في تعزيز صحة القلب والأوعية الدموية، وتقليل خطر الإصابة بأمراض القلب والجلطات والسكتات الدماغية.
- تعزيز نمو الخلايا:
بيعتبر الكاجو مصدر مهم للطاقة والبروتين، اللي مهم جدًا لبناء الخلايا ونموها.
- تعزيز صحة الفم:
بيساعد الكاجو في الحفاظ على صحة اللثة والأسنان، لأنه بيكافح البكتيريا اللي ممكن تأدي لتسوس الأسنان والإصابة بمشاكل اللثة.
- مكافحة السرطان:
الكاجو هو غذاء غني بمضادات الأكسدة الضرورية جدًا في محاربة الجذور الحرة (Free radical)، والحفاظ على أغشية الخلايا، ومن أمثلة مضادات الأكسدة القوية اللي موجودة في الكاجو: السيلينيوم، وفيتامين هـ (Vitamin E)، وبالتالي بيلعب دور في الوقاية من السرطانات.
- خسارة الوزن:
بيساعد الكاجو في خسارة وفقدان الوزن لو تم تناوله ضمن رجيم صحي محسوب السعرات الحرارية، لأنه بيزود الإحساس بامتلاء المعدة والشبع لفترة أطول.
- تعزيز صحة العظام والعضلات:
بيعتبر الكاجو مصدر للمغنيسيوم المهم في تنظيم عمل العضلات والأعصاب وسلامتها، وكمان مهم جدا لعمل الكالسيوم في الجسم، وده بيخليه يتدخل في تقوية العظام والحفاظ عليها.
- السيطرة على ضغط الدم:
بيعتبر الكاجو مصدر خفيف للصوديوم، ومصدر غني للبوتاسيوم، وده بيخليه غذاء مفيد لمرضى ضغط الدم، وبيساعد على ضبط الضغط لديهم.
- غني بالزنك:
الكاجو بيعتبر مصدر للزنك (Zinc) المهم جدًا لتقوية مناعة الجسم وإتمام عمل العديد من الإنزيمات في الجسم، وبيعتبر الزنك ضروري في عمل بعض الهرمونات المهمة في الجسم، وخاصة الهرمونات الجنسية.
بالفيديو: أهمية فيتامين سي للحامل والأم المرضعة
فوائد الكاجو للحامل:
بيوصي أطباء النساء والولادة المرأة الحامل بتناول المكسرات وتحديدًا الكاجو، وده لأنه غني بفيتامينات ومعادن مهمة للحامل والجنين، ومن أهم فوايده:
- بيعتبر الكاجو مصدر للبروتين والأحماض الأمينية المهمة جدًا لنمو الجنين.
- بيعد الكاجو مصدر رائع للدهون اللامشبعة والصحية واللي بتعتبر أحماض دهنية هامة لتطور الجنين، خاصة تطور الأعصاب والدماغ.
- بيعد الكاجو مصدر للألياف الغذائية اللي بتساعد في وقاية الحامل من مشاكل الهضم، والتلبكات المعوية، وخاصة الإمساك.
- الكاجو مصدر للحديد اللي بيساعد على إنتاج هيموجلوبين الدم والوقاية من فقر الدم (Anemia).
- هو مصدر لمعادن مهمة كتير، زي الكالسيوم والزنك والنحاس وده بيخليه مهم جدا لكتير من الوظائف والعمليات الحيوية في الجسم.
- مصدر لمضادات الأكسدة اللي بتشتغل على تقوية المناعة ووقاية من الام الأمراض والمحافظة على صحة الجنين.
تناول المشروبات الغازية في الحمل
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
. المصادر:
التعليق باستخدام حساب فيس بوك