الكولاجين مفيد لأكتر من سبب للبشرة والشعر. وزي ما قرينا عن تحفيز الكولاجين للبشرة، هنتكلم النهارده عن فوائد الكولاجين للشعر. الجسم الطبيعي بيفرز كولاجين بنسبة لكن كمان تقدري تحصلي على الكولاجين من عقاقير وأكلات فيها جيلاتين. تعالي نشوف فايدة الكولاجين للشعر وأنواعه بالأسعار.
3 وصفات طبيعية لعمل بروتين للشعر وبدون تكاليف
فوائد الكولاجين للشعر
- الكولاجين بيمد الجسم بالأحماض الأمينية
- بيحارب تلف البصيلات
- ممكن يمنع خفة الشعر
- بيساعد في تأخير شيب الشعر
- سهل تدخليه روتينك
إمداد الجسم بالأحماض الأمينية
الشعر بيتكون من بروتين الكيراتين، واللي بيبني البروتين ده هو الأحماض الأمينية. الكولاجين بيمد الجسم بالأحماض الأمينية اللي بتبني الكيراتين اللي بيبني الشعر.
بيحارب تلف البصيلات
الكولاجين يعتبر مضاد للأكسدة وبكده فهو بيمنع أي أضرار في الجسم بسبب الأكسدة. لكن نصيحة: المفعول اللي هيعمله الكولاجين ما تدمريهوش بالقلق والملوثات والتدخين والأكل غير الصحي، والكحوليات. حاولي بقدر الإمكان ما تتعرضيش للعوامل دي.
ممكن يمنع خفة الشعر
ممكن دي للأمانة لإن المصادر حوالين النقطة دي مش كنير. لكن الدراسات اللي اتعملت بالفعل بتقول إن الكولاجين بيكوّن 70% من طبقة الجلد اللي بتحتوي على كل بصيلات الشعر. الكولاجين بيساعد في مرونة وقوة البصيلات دي. لكن مع التقدم في العمر، الجسم ما بيقدرش ينتج نفس كمية الكولاجين، وبالتالي، استخدام منتجات أو مكملات غذائية بتحتوي على الكولاجين بيساعد إنه يمنع خفة الشعر اللي بتحصل مع التقدم في العمر.
بيساعد في تأخير شيب الشعر
لما اتكلمنا عن أسباب ظهور الشعر الأبيض، قلنا إن عوامل الأكسدة (اللي اتكلمنا عنها في النقطة اللي فاتت) بتساعد في إن الشعر الأبيض يكتر، وبتكون سبب في ظهور الشعر الأبيض في المقام الأول. وزي ما قلنا الكولاجين مضاد للأكسدة. يبقى إيه؟ الكولاجين بيساعد إنه ما يظهرش الشعر الأبيض بدري وما ينتشرش بسرعة.
سهل تدخليه روتينك
الكولاجين موجود في الأكل المحتوي على الجيلاتين، وموجود في شكل أقراص فيتامينات، وموجود في شامبوهات ومنتجات عناية بالشعر. وبالتالي، سهل جدًا تدخليه روتين حياتك اليومية، سواءً في الأكل، الفيتامينات أو منتجات شعرك.
أنواع الكولاجين للشعر بالأسعار
- حقن الكولاجين
- شامبو بالكولاجين
- بلسم بالكولاجين
- ماسك الشعر بالكولاجين ار بي اوت
- ماسك الشعر بالكولاجين إيفر بيور
حقن الكولاجين
أمبولات علاجية لتساقط الشعر
جارليك كولاجين هي حقن للشعر بالكولاجين. وهي بتستعمل بنفس طريقة حقن البلازما. العلبة بـ160 جنيه.
شامبو OGX بالكولاجين
شامبو بالكولاجين
شامبو ممتاز بالبيوتين والكولاجين عشان شعرك يكون قوي وصحي. الشامبو بـ250 جنيه.
بلسم OGX بالكولاجين
نفس الماركة، ويفضل يستخدموا دايمًا مع بعض. البلسم بـ220 جنيه.
ماسك RB
ماسك Renee Blanche من أفضل المنتجات الغنية بالكولاجين، سعره 300 جنيه (العبوة 1000 مل).
ماسك Ever Pure
ماسك إيفر بيور بالكولاجين، اقتصادي ولطيف. العبوة بـ100 جنيه.
اقري هنا عن علاج تقصف الشعر بطرق طبيعية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك