الماء بالليمون أو المياه عليها عصرة ليمونة يعني سمعنا عنها كتير الفترة الأخيرة وسمعنا عن فوايدها في التخسيس وفي الصحة العامة. فقلنا نعمل بحث نقول لكم فيه فوائد الماء بالليمون على الريق أو قبل النوم. تعالي نشوفها سوا.
5 مشروبات سهلة هتساعدك على حرق الدهون بسرعة
فوائد الماء بالليمون
- الترطيب
- فيتامين سي
- التخسيس
- جودة البشرة
- الهضم
- النَفَس
- الحماية من الحصوات
الترطيب
زي ما هو معروف، شرب المياه مهم جدًا للجسم. كل المنظمات الصحية بتنصح بتناول متوسط 8 أكواب مياه في اليوم. فاحنا هنخلي أول واحدة بالليمون عشان الفوايد الجاية دي. كمان لو انتي مش بتحبي المياه عشان مالهاش طعم، ممكن تطعميها كلها بالليمون.
فيتامين سي
الليمون زي باقي الموالح غني بفيتامين سي، مضاد الأكسدة الأكبر واللي بيساعد في حماية الخلايا من أي ضرر. وكمان هيحميكي من نزلات البرد والإنفلونزا وفيروس كورونا.
التخسيس
الماء بالليمون مثبت في الأبحاث إنه بيقلل زيادة الوزن (وبالتالي بيساعد على التخسيس) في فيران التجارب. كمان بيحسن مقاومة الأنسولين وبيعدل مستوى الجلوكوز في الدم.
جودة البشرة
فيتامين سي الموجود في الليمون بيساعد إنه يقلل تجاعيد البشرة ويمنع البشرة من علامات التقدم في العمر، وبتحمي البشرة كمان من أضرار التعرض للشمس. طبعًا الترطيب اللي بتعمله الميا أساسي لصحة البشرة ضمن فوائدها اللا معدودة.
الهضم
الحقيقة إن سبب من أسباب شرب بعض الناس للماء بالليمون على الريق إنه يلعب دور الملين في البطن، ويحميهم من الإمساك. عشان تحصلي على الفايدة دي يفضل يكون الماء بالليمون الدافيء أو الساخن وعلى الريق.
رائحة النفس
عارفة لما تبقى إيديكي فيها ريحة مش لطيفة وعايزة تتخلصي منها وعشان كده، بتدعكيها بنص ليمونة؟ تخيلي بقى إنك تشربي نص الليمونة وكمان لو تمضغي جزء منها. تتخلصي من أي ريحة كريهة للفم على طول.
الحماية من حصوات الكلى
الحمض اللي في الليمون بيساعد الكلى على عدم تكوين حصوات وكمان على تقليل حمضية البول وتفكيك الحصوات الصغيرة. والميا بتمسح كل ده وتتخلص منه.
طريقة عمل الماء بالليمون
عشان تاخدي فوائد الماء بالليمون بشكل كامل وصحيح، محتاجة تعمليه صح، ومحتاجة تشربيه بانتظام. أولًا: دايما استخدمي ليمون طازة، ثانيًا اعصري نص ليمونة على كوب مياه في حرارة الغرفة أو ساقعة. لو مش حابة الطعم، تقدري تعززيه ببعض النكهات زي النعناع أو الزنجبيل أو القرفة (كل دول رشات بس) أو العسل (معلقة صغيرة).
التعليق باستخدام حساب فيس بوك