محتويات المقال
النهارده هنتكلم عن فوائد جديدة عن بذور الكتان مختلفة عن إنك تحطيه على السلطة والزبادي بس. وعلى فكرة، هو بيخلّي فعلًا السلطة طعمها جميل جدًا. فخلينا ندخل على طول في الفوايد اللي هتخليكي حريصة على وجود بذر الكتان في بيتك دايمًا.
فوائد بذور الكتان لصحتك
مصدر أساسي للأوميجا 3
الشهرة الأساسية لبذور الكتان جاية فعلًا من إنه واحد من أغنى مصادر الحصول على أوميجا 3 بشكل طبيعي ومن مصدر نباتي. ده غير طبعًا إنه بيحتوي برضه على نوعين من الألياف: النوع غير القابل للذوبان في المياه، والنوع القابل للذوبان في المياه، بشكل بيدي توازن ممتاز لحركة الأمعاء. والمادة التالتة هي مادة الليجنان Lignans اللي هي تعتبر مضاد للأكسدة قوي جدًا وأستروجين طبيعي.
مقاومة السرطان
صحيح لسه ما اتعملتش أبحاث مطولة على شريحة كبيرة من المرضى، إلا إن الأبحاث الأولية وجدت نتائج مبشرة لمستخدمي بذر الكتان من مرضى القلب والأوعية بجانب قدرته على مقاومة بعض أنواع السرطان زي سرطان الثدي والبروستاتا، بمعنى إن تفاعل بذر الكتان مع أنواع السرطانات الحساسة للهرمونات بييجي من الليجنان Lignans لإنها بتمنع الإنزيمات اللي بتخلى الهرمونات وسيلة من وسائل نمو وانتشار الخلايا السرطانية. ده طبعًا بجانب المواد المضادة للأكسدة اللي لها دور فعال صحيًا.
أمراض القلب والأوعية
الأبحاث وجدت إن الأوميجا 3 اللي مصدره نباتي له دور ممتاز في تعزيز نظام القلب والأوعية في الجسم كله. ده من خلال مقاومته للالتهابات والمساعدة على تنظيم ضربات القلب والحفاظ عليها في معدلها الطبيعي بجانب خفض ضغط الدم.
مرض السكر من النوع الثاني
مادة الليجنان Lignans وجد إن لها تأثير قوي على حفظ معدلات السكر في الدم في معدلاتها الطبيعية. ده غير قدرتها على زيادة حساسية الخلايا للأنسولين وبالتالي خفض السكر في الدم.
بروتين نباتي
بتعتبر بذور الكتان من أغنى المصادر النباتية بالبروتين ده لأنه غني بالأحماض الأمينية المفيدة جدًا للجسم، فالبروتين اللي في بذور الكتان ساعد على خفض الكوليسترول وتحسين المناعة ومنع الأورام، ده غير قدرته على مقاومة الالتهاب. فلو عايزة تقللي من كمية البروتين الحيواني المستهلك، يبقى البذور دي بديلك الأمثل.
استخدامات بذور الكتان
بعد كل الفوائد دي، تيجي نقطة ازاي تقدري تستفيدي منه في نظامك الغذائي. واللي لازم تعرفيه إنك تقدري تستخدميه في صورة حبوب كاملة أو مطحونة أو زيت. تقدري تحطيه على السلطة بتاعتك كحبوب كاملة أو مطحونة، على الزبادي المفضل ليكي، على السموزي أو العصير اللي بتحبيه، وتستخدميه كبديل للبيض لما تخلطي منه وهو مطحون ومعاه شوية مياه في العجين. وزيت بذور الكتان (الزيت الحار) تقدري تستخدميه مع أنواع الجبن المختلفة زي القريش والجبنة البيضاء أو إضافته على البقوليات زي الفول.
ما تنسيش تخلي بذر الكتان دايمًا موجود في بيتك.
استخدامات مختلفة لمعجون الأسنان
التعليق باستخدام حساب فيس بوك