تمارين كيجل Kegel بقت من أشهر التمارين الرياضية مؤخرًا. وسبب شهرتها هي فوائدها في تقوية عضلة المهبل وعضلات الحوض بشكل عام. اللي اتشهرت به تمارين كيجل للنساء هو تقوية المهبل بعد الولادة أو تضييق المهبل بعد الولادة الطبيعية بالذات، لكن فيه كمان فوائد تمارين كيجل للبنات، أو يعني للستات اللي في أول جوازها خالص ولسه عندها مشكلة في ضيق المهبل. وهي إنها بتساعد العضلات إنها تتعود على الحركة في الاتجاهين (الفتح والقفل) وبالتالي بتكون العلاقة الحميمة أسهل وأمتع.
الفيديو بيوضح ببساطة فوائد تمارين كيجل اللي أنا بنفسي جربتها لعلاج ضيق المهبل، وتقوية عضلات الحوض وعضلة المهبل.
نصائح قبل تمارين كيجل Kegel
- الألم
معظم التمارين دي ما بتسببش أي ألم وانتي بتقومي بيها. فلو حسيتي بألم وانتي بتعملي التمارين دي، دي ممكن تكون علامة إن فيه حاجة صحيًا مش مظبوطة عندك ولازم تستشيري دكتور النساء المتابع ليكي.
- أدوات مساعدة
فيه أدوات بتتباع دلوقتي، على شكل أجهزة صغيرة بتساعد تعمل انقباضات بتردد معين في حين إدخالها للمهبل عشان تقوم هي بالتمرين. أنا ما جربتش أدوات مساعدة والتمارين لوحدها كانت كافية لحالتي، لكن احتمال تكون حالتك متطلبة لده، ووقتها ممكن تشتري الأدوات دي اللي غالبًا بيبقى في اسمها اسم كيجل.
- تمارين كيجل مش بس للبنات
أيوة تمارين كيجل معظمها بتفيد في تقوية المهبل وعضلات الحوض عند الستات، لكن كمان في فوائد تمارين كيجل للرجالة. ممكن رجالة يحتاجوا تمارين كيجل عشان التحكم في القذف وعلاج سرعة القذف، وكمان ممكن للرجالة والستات عشان التحكم في التبول لو فيه مشاكل سلس بولي.
تمارين كيجل للمبتدئينم Kegel
هتلاقي في الفيديو ده تمارين تقدري تعمليها لو أول مرة تعملي تمارين كيجل، أو مش متعودة تعملي تمارين عامةً.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك