محتويات المقال
تعتبر الزومبا من أكتر أشكال التمارين اللي بتساعد على حرق الدهون والتمتع بصحة بخلاف إنها طريقة ممتعة لزيادة النشاط البدني وتحسين الصحة النفسية يوميا، لكن يا ترى إزاي يتم استخدامها بطريقة ناجحة عشان تساعد فعلا في فقدان الوزن خلال وقت قصير، هنكلمك عن فوائد رقص الزومبا لحرق الدهون بالتفصيل.
فوائد رقص الزومبا لإنقاص الوزن
من أهم فوائد رقص الزومبا وعشان تخسي بطريقة صحيحة محتاجة تكون السعرات الحرارية اللي داخلة الجسم أقل من السعرات الحرارية اللي هو محتاجها، أو قدها لكن تحرقي كمية سعرات أكبر من اللي معتادة تحرقيها كل يوم، الفكرة إنه يحصل عجز فالجسم يبدأ يحرق من مخزون الدهون جواه، ومن هنا بيحصل الالزومبا بتحرق سعرات حرارية كتير، حسب دراسة تمت سنة 2021 الزومبا ساعدت بنات أعمارهم بين 18 و22 سنة على حرق 9.5 سعر حراري في الدقيقة خلال سيشن مدته 39 دقيقة، بنتكلم عن حرق ممكن يوصل لـ 300 و400 سعرة حرارية خلال ساعة واحدة من الزومبا المتوسطة أو عالية القوة، وطبعا الزومبا لوحدها مش هاتساعد إلا لو معاها نظام غذائي متوازن، وقتها الوزن فعلا بيقل وبنجاح.
عوامل حرق السعرات الحرارية خلال الزومبا
الزومبا صحيح بتساعد على حرق الدهون لكن ده برضو بيعتمد على مجموعة من العوامل زي :
- العمر
- الوزن
- مستوى اللياقة البدنية الحالي
- العوامل الوراثية
- شدة التمرين
لو فعلا حابة إنك تخسري وزن من خلال الزومبا هتحتاجي إنك تزودي كثافة التمرين وتقدري تلاحظي من خلال ساعة اليد الذكية معدل ضربات قلبك والحرق.
متوسط السعرات الحرارية اللي بنحتاجها يوميا
في المتوسط بتحتاج السيدات سعرات حرارية بتوصل 1200 سعر حراري في اليوم بينما الرجالة الأصحاء مش أقل من 1500 سعر حراري في اليوم. اقري كمان: السعرات الحرارية في أشهر الأطعمة الصحية
أضرار انقاص الوزن والتخسيس بالزومبا
صحيح الخسسان حلو، لكن بنحذرك من إنك تعملي رجيم قاسي جمب الزومبا لانها بتحتاج طاقة كبيرة، لذلك لو هتمارسيها اتأكدي إنك أخدتي سعرات حرارية كفاية عشان تقدري تطرحي منها السعرات اللي هتحرقها رقصات الزومبا
اقري كمان: لمتبعي الرجيم .. اعرفي السعرات الحرارية لأشهر الأكلات
مفروض تمارسي الزومبا كام مرة؟
حسب توصية المجلس الأمريكي للتمارين الرياضية مفروض تحرقي 300 لـ 400 سعر حراري في كل جلسة تمرين، وعلى الأقل مفروض ترقصي زومبا تلات مرات في الأسبوع، وعلى كل حال الفكرة عموما في الحركة والجسم بيتكيف بسرعة مع التمارين لذلك هتحتاجي أشكال تانية من النشاط زي السباحة أو المشي بسرعة أو الجري.
5 مشروبات سهلة هتساعدك على حرق الدهون بسرعة
نصايح لفقدان الوزن بالتزامن مع الزومبا
- محتاجة تتبعي نظام غذائي صحي ومتوازن عشان تفقدي وزنك بدون ماتفقدش كتلتك العضلية، من ملامح النظام ده:
- إملي طبقك حبوب كاملة زي القمح والكينوا والرز البني والشوفان
- تجنبي الكيبوهيدرات الفارغة زي العيش الأبيض والمكرونة والبسكوت
- كلي بروتينات كتير خالية من الدهون زي الفراخ والسمك وبياض البيض والتوفو
- دايما زودي خضار وفاكهة لأكلك
- مش مهم تخسري وزن كتير بس مهم تداومي على نظام صحي، ولو خسرتي نص كيلو لكيلو في الأسبوع الواحد تقدري تعتبري ده نجاح وهدف صحي جدا.
اقري كمان: فوائد عسل النحل الذهبية
أماكن لرقص الزومبا
تقدري ترقصي زومبا في النادي الصحي اللي بتمارسي فيه الرياضة عموما سواء نادي أو جيم، وممكن تلاقي تجمعات للمهتمين بالزومبا قريبة منك.
لو مفيش وصعب تنزلي تقدري تمارسي الزومبا في البيت بسهولة، على يوتيوب هتلاقي فيديوهات كتير أونلاين لتمارين مختلفة، وهتلاقي أنواع مختلفة للزومبا سواء كانت زومبا للمبتدئين، أو زومبا لحرق الدهون أو زومبا لشد الجسم.
لو مش هعدفك فقدان الوزن تقدري تشوفي المقال ده: عايزة أتخن: طرق طبيعية لزيادة الوزن
التعليق باستخدام حساب فيس بوك