محتويات المقال
إزالة الشعر الزائد ونعومة البشرة ونضافتها من علامات الأنوثة، والسيدات دايمًا بيواظبوا على إزالة الشعر الزائد مش بس عشان جمال المظهر، ولكن علشان النضافة الشخصية كمان، علشان كده طول الوقت الستات بيدوروا على طرق فعّالة لأزالة شعر الجسم، وطرق تقلل نمو الشعر الزائد، بحيث ينمو على فترات متباعدة، ويطلع خفيف فتكون عملية إزالت أسهل وأسرع، ومن الطرق اللي بتحقق أقصى فعّالية في إزالة الشعر هي إزالة الشعر بالليزر، بس في منتج كمان بيتسمى: “بديل الليزر” اسمه زيت السعد، فتعالي نعرف مع بعض إيه هو المنتج ده، وهل هو ناجح في تقليل نمو الشعر فعلا؟
-
إيه هو زيت السعد؟
هو زيت مستخرج من نبتة السعد، وهي نبتة لها ريحة حلوة جدًا، ولها أنواع كتير وألوان متعددة، وبيتزرع في بلاد البحر المتوسط وبعض الدول العربية.
-
زيت السعد وتقليل ومنع نمو شعر الجسم
من أهم مميزات زيت السعد، هي إضعاف بصيلات الشعر، وده مع المواظبة والاستمرار في استخدامه بيأدي لتقليل نمو شعر الجسم، علشان كده بيسموه بديل الليزر.
لكن الحقيقة إن مفيش أي دراسات طبية بتثبت إن الزيت له علاقة بتقليل نمو الشعر الزائد، ولكنها كلها من وحي التجارب الشخصية، علشان كده لازم تكوني حذرة جدًا وإنتي بتستعملي الزيت، ولو جبيته جاهز لازم تشوفي طريقة الاستعمال على العلبة.
ولو بتستخدمي السيلك ابيل لإزالة الشعر، شوفي المقال ده: 5 نصائح عند إزالة الشعر بـ سيلك ابيل
-
طريقة استعمال زيت السعد
- ادهنيه على المنطقة اللي انتي عاوزاها من جسمك، بعد إزالة الشعر بالطريقة المعتادة ليكي، سواء كانت بالشمع أو غيرها من الطرق، ولكن لو كانت الطريقة اللي شيلتي بيها الشعر هي الليزر، لازم تسألي الطبيب الأول، تجنبًا لأي أضرار أو التهابات أو مشاكل جلدية.
- بعد ما تدهني الزيت، سيبيه أطول فترة ممكنة على جسمك، وكرري العملية دي لمدة 3 أيام بعد إزالة الشعر.
- استمري على استخدام زيت السعد في كل مرة تزيلي فيها الشعر، علشان تقدري تشوفي نتيجة حقيقية.
- وقفي استعمال الزيت فورًا لو لقيتي أي أعراض جانبية ظهرت على بشرتك، زي التهيجات والحبوب وغيرهم.
أفضل أماكن لشراء زيت السعد الأصلي
احرصي على شراء زيت الأصلي من أماكن تثقي فيها، وتقدري تلاقيه في نفرتاري
أماكن شراء زيت السعد الأصلي
من هنا
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك