فوائد زيت شجرة الشاي الرهيبة وتجيبيه منين

قبل ما نقول فوائد زيت شجرة الشاي، محتاجين نوضح لك، إن زيت شجرة الشاي ده مش مقصود بيه شجرة الشاي العادية اللي بيستخلص منها مشروب الشاي، واسم الشجرة اللي بناخد منها الزيت ” Melaleuca alternifolia”، ودلوقتي هنقولك على الفوائد الرهيبة لشجرة زيت الشاي ومنين تقدري تجيبيه:

• فوائد زيت شجرة الشاي الطبية:

• علاج حب الشباب:

استخدام  جل زيت شجرة الشاي بتركيز 5% على حب الشباب الخفيف أو المتوسط، بيعالجها بشكل فعّال جدًا، وممكن نستخدم بدل الجل لو مش متوفر، محلول مخفف تقدري تعمليه في البيت، بيتكون من 30 قطرة من زيت شجرة الشاي مضاف لـ 23 مللي من المياه.

• غسول للفم:

زيت شجرة الشاي له مفعول مهم في تخفيف الالتهابات، وخصوصًا بعد عمليات الأسنان وعلاج الجذور، وكمان بيدي نفس منعش ورائحة معطرة للفم.

وطريقة استخدامه بيكون غرغرة بتركيز 2.5%، أو تخلطي 12-15 قطرة من زيت شجرة الشاي على 23 مللي من المياه، بس المهم إنه يكون غرغرة بس بدون بلع.

• علاج مشاكل فروة الرأس:

علاج قشرة الشعر: وده تقدري تعمليه بإضافة 30 قطرة من زيت شجرة الشاي على 23 مللي من الشامبو اللي بتستخدميه.

علاج قمل الشعر: ضيفي 6 قطرات من الزيت لـ 23 مللي من المياه وحطيه على فروة الراس لمدة 5 دقايق وبعدين اغسليه.

• علاج فطريات الضوافر:

زيت شجرة الزيت لو اتحط على الضوافر هيساعد على فطريات الضوافر، وبيحسن من مظهرها مع الاستخدام  المستمر.

• بيعالج مشكلة القدم الرياضي:

لو كنتي مصابة بمشكلة القدم الرياضي، فلازم تستعملي الكريم أو المحلول على رجليكي وهي نضيفة وجافة، وتقدري تعملي المحلول في البيت مكون من نص معلقة صغيرة من زيت الشاي مضاف لـ 23 مللي من زيت تاني خفيف.

• فوائد متنوعة لزيت شجرة الشاي:

1. تحفيز التئام الجروح.
2. التخفيف من الحكة الناتجة عن لسع الحشرات وحروق الشمس.
3. المساعدة على التخفيف من حدة وأعراض بعض الحالات المرضية اللي بتصيب فروة الرأس، زي: القشرة.
4. المساعدة على التخفيف من بعض الالتهابات البكتيرية.
5. استخدامه كمطهر وقاتل للجراثيم في مواد التنظيف.
6. القضاء على العفن الظاهر في بعض مناطق وزوايا البيت وفي القضاء على الحشرات.
7. بيدي رائحة عطرة على الملابس لما تتغسل.

• احتياطات استخدام زيت شجرة الشاي:

لازم تتأكدي إن معندكيش حساسية من زيت شجرة الشاي، وده تتأكدي منه بإنك تحطي منه على دراعك، ولو المنطقة دي ما اتهيجتش خلال 24 ساعة، تقدري بعدها تستخدميه  بأمان.

ماينفعش تستخدمي زيت شجرة الشاي زي ماهو بدون تخفيف، وبتخففيه يا إما بمياه أو مع زيت جوز الهند وزيت الزيتون.

• محاذير استعمال زيت شجرة الشاي:

1. لو عندك حساسية منه.
2. لو انتي حامل.
3. لو انتي مرضعة.
4. استعملي زيت شجرة الشاي بحذر لإنه ممكن يأثر على هرمونات الجسم.
5. ماتخلطيهوش مع مكملات غذائية أو أعشاب تانية بدون ما تسألي طبيبك.
6. زيت شجرة الشاي للاستعمال الخارجي بس مش للشرب.
7. لازم الاستخدام يكون تحت إشراف الطبيب.

طيب بعد ما عرفنا فوائد زيت شجرة الشاي، هنقولك تجيبيها منين:

• The Body Shop:

https://www.thebodyshopegypt.com/search?type=product&q=tea+tree

• Bath and Body Works:

https://www.bathandbodyworks.com.eg/en/#query=tea%20tree

وتقدري تشوفي فوائد زيت الزيتون من هنا: فوائد زيت الزيتون للبشرة والشعر والجسم

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

المصادر:

webteb.com