سيدات كتير، وبالأخص بعد فترة الحمل والولادة، بتواجه تغير ومشاكل في الشعر. وبيضطروا يلجأوا لبعض الحلول زي الكيراتين والبروتين والعلاجات المختلفة لمحاولة علاجه. وبالفعل، العلاجات دي ممكن تدي له مظهر لطيف لكن للأسف في أغلب الحالات ممكن تيجي بنتيجة عكسية بعد ما المفعول ينتهي. وفيه بعض الحلول التانية اللي مش بتشمل علاجات كيميائية بيلجأ ليها المصففين زي الماسكات من المواد الطبيعية وقص الشعر بصورة دورية للعناية به. وفي الموضوع ده، هنتكلم معاكي عن فوائد قص الشعر المختلفة لتطويله وتكثيفه.
امتى لازم تاخدي خطوة قص شعرك؟
فوائد قص الشعر
على الرغم من إن سيدات كتير بتفضّل إنها ما تقصش شعرها عشان يفضل طويل، لكن فيه عوامل كتير لو لاحظتيها على شعرك لازم تاخدي خطوة قص الشعر ومن ضمنها:
- تقصف الشعر: ساعتها شكل الشعر بيبقى مجهد جدًا وأطرافه متكسرة ومتقصفة.
- التشابك: الشعر بيكون متشابك وبيعقد في بعض وبيكون صعب جدًا التصفيف والتسريح وفك التشابك بالفرشاة أو المشط.
- الجفاف: بعد استخدام العلاجات المختلفة زي الكيراتين والبروتين وكثرة تصفيف الشعر واستخدام المكواة والسشوار.
- سقوط الشعر: سقوط الشعر بسبب العوامل المختلفة سواءً عوامل هرمونية أو أنيميا أو وجود قشرة وغيرهم من الأسباب اللي بتسبب تساقط الشعر.
الميزوثيرابي أم البلازما.. ايه الأفضل لعلاج تساقط الشعر؟
فوائد قص الشعر
من أهم فوائد قص الشعر:
- حماية الأطراف من التقصف.
- التخلص من الأطراف المتقصفة ومنع وصول التقصف لباقي أجزاء الشعر.
- التخلص من تشابك الشعر.
- التقلل من تجعد وتكسر الشعر.
- زيادة قوة وسماكة الشعر بسبب التخلص من الأطراف المتقصفة.
- المساعدة على تقوية البصيلات وتحفيز نموه وكثافته.
فوائد المايونيز للشعر وأفضل 5 ماسكات بالمايونيز لتغذيته
نصائح للعناية بالشعر بعد القص
اتبعي الخطوات دي بعد قص الشعر عشان تفضلي محافظة على نعومة وكثافة شعرك بعد القص:
- تقليل عدد مرات غسيل الشعر للحفاظ عليه من الجفاف.
- عدم اللجوء للمستحضرات اللي بتحتوي على مواد ممكن تضر الشعر.
- تقليل عدد مرات استخدام المكواة والبيبي ليس والسشوار للحفاظ عليه من الجفاف.
- لو فيه قشرة، استشيري دكتور الجلدية للتخلص منها لإنها بتزود من سقوط الشعر وجفافه.
- عمل ماسكات من مواد طبيعية زي الأفوكادو والبيض.
- الالتزام بنظام أكل صحي ومتوازن وكثرة شرب الماء.
التعليق باستخدام حساب فيس بوك