محتويات المقال
الولادة الطبيعية هي الأصل اللي ربنا مصمم عليه جسم الأم. لكن مع تقدم العلم، اتطورت جدًا الولادة القيصرية، وبقت تحمي الأم والجنين من مخاطر كبيرة، في حالات كتير جدًا، بس لسه حوامل كتير لما بيسمعوا قرار الدكتور بالولادة القيصرية، بيجيلهم شك إن الطبيب بيختار الأسهل له، أو الأعلى في الأجر، لكن الحقيقة إن الدكتور هو اللي بيرجع له قرار الولادة الطبيعية والقيصرية، بناءً على حاجات كتير جدًا تخص حالتك وحالة جنينك، اعرفي إيه هي الحاجات دي.
أبعاد قرار الولادة الطبيعية والقيصرية
-
أسباب اتخاذ قرار الولادة القيصرية
- مفيش أي بوادر عند الحامل لولادة طبيعية، لا نزول لراس الجنين في الحوض، ولا طلق
- تشوهات في حوض الحامل
- مشاكل في المشيمة، اعرفي خطورة المشيمة المنخفضة (النازلة) على الجنين
- الحمل المتكرر بعد ولادات قيصرية سابقة
- مشاكل في معدل ضربات قلب الجنين
- الحمل في توأم أو أكتر
- الولادة المبكرة
- الالتهابات الفيروسية النشطة للأم
- زيادة وزن الأم
- مقاس رأس الجنين أكبر من حوض الأم
- سن الأم
-
إيه اللي تتوقعيه من دكتورك؟
- يناقش معاكي قرار الولادة القيصرية
- يثبتلك بالأدلة على المعلومات اللي بيقولها على حالتك، سواء بالسونار أو التحاليل أو غيرها.
- يشرحلك الفرق بين الولادة الطبيعية والقيصرية.
- يفهمك المخاطر المترتبة في حالتك، على صحتك وعلى الجنين لو حاول في ولادة طبيعية.
- هيقولك إن الولادة القيصرية مرة، هتزود فرص الولادة القيصرية ليكي فيما بعد.
- هيرد على أي مخاوف ليكي من الولادة القيصرية، ويفهمك طريقة تسكين الآلام وتخفيفها.
-
إيه المطلوب منك؟
- مادام انتي واثقة في دكتورك من أول الحمل، يبقى تثقي في قراره في تحديد نوع الولادة.
- ما تعرضيش حالتك على جروب الماميز
- الحالات المشابهة ليكي وولدت ولادة طبيعية، مش شرط تكون حالتك زيهم.
- ما تلفيش على أكتر من دكتور تاني تاخدي رأيهم.
- استمتعي بلحظات حملك ولحظات ولادتك.
- ابدئي في تجهيز شنطة الولادة ليكي وللبيبي الجديد.
وتقومي بألف سلامة يارب
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك