وزارة التربية والتعليم عارفة إن أكتر حاجة محيرة الأمهات دلوقتي هي ملامح السنة الدراسة الجديدة 2020/2021. هاتمشي إزاي والولاد هيروحوا المدرسة ولا هيقعدوا في البيت ولو راحوا هيروحوا كام يوم يا ترى؟ خاصة إن فيه إشاعات كتير عن شكل الدراسة وعدد الأيام ظهرت بدون أي معلومات رسمية واضحة.
اعرفي هنا مواقف الحضانات ومين فيهم قرر يفتح ومين هيؤجل.
وزير التربية والتعليم الدكتور طارق شوقي قطع الشك باليقين، وطلع بوضوح شديد في برنامج الحكاية مع عمرو أديب وقال إن فيه ملامح عامة للسنة الجديدة. صحيح هي مش نهائية وخاضعة للنقاش، لكنه رسم الخطوط العريضة اللي وضحت للأمهات السنة ممكن تمشي إزاي في ظل استمرار جائحة كورونا.
هنا هتلاقي رسالة من أم مصرية لكتير من أصحاب المدارس الخاصة. يا ترى بتقول لهم إيه؟
الخبر السعيد إن السنوات الأولى من التعليم – يعني من كي جي لحد تالتة ابتدائي – هيروحوا المدرسة كل يوم ومش هيتعلموا عن بعد زي ما كان متوقع. ودا اللي فسره الوزير وقال “لازم يحضروا كل يوم، لأنهم محتاجين التعامل مع المدرس”.
يا ترى لما الحضانات تفتح، هيبقى ده شكلها؟
أما بقى طلبة الصفوف من رابعة لحد سادسة ابتدائي هيروحوا معظم أيام الأسبوع إلا يوم أو يومين هيتم فيهم استخدام نظام التعليم المدمج. طلاب المرحلتين الإعدادية والثانوية هيروحوا أقل عدد ممكن من الأيام، وممكن يحضروا يومين فقط وتتم الدراسة باقي الأسبوع أون لاين.
هنا تجربة أم مصرية ورأيها في نزول الحضانة في الظروف الحالية
الوزير أكد إن ده هيخفف الضغط على المدارس والفصول، وهيتم إعادة توزيع الطلاب على الفصول للاستفادة من الفراغات ومنع التكدس. والمقترحات دي هتتطبق على المدارس الحكومية والخاصة فقط، أما المدارس الدولية فلها نظامها ومناهجها الخاصة والنظام ده بالنسبة لها استرشادي فقط.
اعرفي هنا بالفيديو إزاي تحمي أطفالك من الإصابة بفيروس كورونا
مش كدا وبس، وزارة التربية والتعليم قررت استمرار النظام ده حتى بعد انتهار كورونا كحل مبتكر لمشكلة تكدس الفصول اللي كل الأمهات والمدرسين بيشتكوا منها.
التعليق باستخدام حساب فيس بوك