حيرة كل الأمهات اللي لسه هتستقبل مولود جديد يا ترى البس ابني أو بنتي حديث الولادة إيه عشان ميبردش أو يتحر أوي، طيب في التكييف يا ترى يلبس إيه عشان الجو ميبقاش ساقع أوي عليه ومياخدش برد.. كل الأسئلة دي بتعدي علينا وليها آراء كتير جدًا ومفيش أم بتتفق على حاجة في لبس البيبي في فصول السنة، والصج هو إن الطفل حديث الولادة ميلبسش قطع كتير جدًا عشان ميبردش ولا يلبس قليل عشان يتعود على الحر، الإعتدال هو أنسب حل وكمان فيه علامات تراقبيها على البيبي هتعرفي سواء هو حران أو بردان، وعشان تبقي عارفة قطع الملابس المناسبة لطفلك على حسب درجة حرارة الغرفة اقري المقال ده هيساعدك كتير.
عدد قطع الملابس إللي يلبسها البيبي في فصل الصيف
الطفل حديث الولادة في فصل الصيف بيلبس فانلة كت وسالوبيت كم خفيف وطبعًا الجوانتي للأيد وكوفرتة خفيفة وطبعًا ده بيلبسه يوم المستشفى ووقت قعدته في التكييف وطبعًا نخلي بالنا إن البيبي يكون متغطي كويس خصوصًا وقت النوم في التكيف، لو البيبي قاعد في غرفة عادية مش مكيفة يلبس فانلة كت وسالوبت صيفي عشان ميحصلوش حساسية ويتحر بزيادة.
مشروبات عشبية صحية للبيبي حديث الولادة (بعد الشهر السادس)
عدد قطع الملابس إللي يلبسها البيبي في فصل الشتاء
مواليد فصل الشتاء طبعًا مش معناه إننا طبقات زيادة وتقيلة نظرية لبس طبقات كتيرة أوي مش بتخلي البيبي يضايق وبس، ممكن كمان تعرقه جامد وتسببله حساسية، بمنتهى البساطة البيبي يلبس فانلة كت وكم وبنطلون داخلي أو كولون قطن، بيجامة تقيلة وشراب وطاقية، وطبعًا بطانية تقيلة يتلف فيها.
هنا ممكن تشوفي 10 نصائح للتغلب على نوبات بكاء الرضع
عدد قطع الملابس إللي يلبسها البيبي في فصل الربيع والخريف
فصل الربيع والخريف من الفصول الجميلة اللي بيبقى الجو فيها الصبح معتدل ومعقول وبليل بيميل للسعة البرد، البيبي ساعتها هيحتاج يلبس فانلة بكم وسالوبت أو بيجامة خفيفة ومعاهم بطانية ولو الجو مايل للحرارة ممكن تلبسي فانلة كت.
Sleep Training: أفضل 5 طرق تدريب الأطفال على النوم
نصايح مهمة بخصوص ملابس المولود
- لازم الملابس اللي هتبقى ملاصقة لجسم البيبي مباشرة تكون من القطن الخالص واتبعدي تمامًا عن البوليستر أو الصوف عشان مكن يسببله حساسية شديدة.
- مش معنى إن الجو حر في فصل الشتا ودي ساعات بتحصل كتير إننا نسيب البيبي حران وبيعرق، ممكن تخففيله قطعة طالما جوه البيت وتلبسيهاله تاني لما الجو يبرد تاني.
- فيه علامات بتدل على إن ابنك حران زي إنه بيعرق أو لون وشه محمر أو بيظهرله حبوب كتير في مكان العرق، لو ظهرت خففيله الملابس شوية.
- في فصل الشتا خلي بالك من أطراف البيبي زي الأنف واليدين والرجلين لو ملمسهم بارد اعرفي إن البيبي محتاج يدفى.
- الصوف بالرغم من إنه بيدفي جدًا إلا إنه ممكن يسبب حساسية فلو هتلبسي البيبي صوف متخليهوش ملاصق لجسم البيبي مباشرة ولبسي تحتيه طبقة قطن.
التعليق باستخدام حساب فيس بوك