برنامج قعدة رجالة هو أول إنتاج أصلي لـ OSN، والجزئين الأول والتاني بتوعه وصلوا لمشاهدات فوق الـ 60 مليون. والموسم الثالث خلاص بدأ مع 3 مضيفين جداد: قيس الشيخ نجيب، ونيقولا معوض، وخالد سليم، ومن إخراج هيثم عزو وإنتاج سالي والي Sproductions. البرنامج بالتلات مضيفين هيستضيفوا في كل حلقة واحدة من ألمع نجمات الصف الأول بأسلوب درامي وساعات مشاغب وشقي، بيستعرضوا من خلاله وجهات نظر ذكورية عن قضايا مختلفة والنجمات المستضافة بيردوا ردود فعل عفوية وجريئة في معظم الأحيان.
فكرة برنامج قعدة رجالة
قعدة رجالة هو برنامج ترفيهي ارتجالي، بيدور بين 3 رجالة (كل موسم له مضيفينه) من جنسيات عربية مختلفة من النجوم المشاهير. وبتكون اسم على مسمى، قعدة رجالي بيتكلموا فيها عن الأراء العامة اللي بيقولها معظم الرجالة عن الستات. وبيستضيفوا نجمة مشهورة بيشوفوا ردود أفعالها على الكلام اللي هم بيقولوه وبيكلموها في مواقف حياتية معينة ويا ترى ممكن تتصرف إزاي، وإيه آراءها في حاجات وهكذا. طبعًا القعدة بيكون دمها خفيف وشقية وكمان بيطلع فيها لحظات صدق جميلة تقول لنا آراء النجمات دول بشكل ملهم.
الست أقوى من الراجل عشان كده بتستحمل أكتر #نيللي_كريم في #قعدة_رجالة3
Nelly Karim
OSNPosted by قعدة رجالة – Qa3det Regala on Tuesday, October 6, 2020
الموسم الجديد مختلف شوية عن الموسمين اللي قبله لإن البرنامج مش بس هيتصور في لبنان، ده كمان هيتصور فيه مشاهد خارجي من لبنان نشوف فيها المناظر الخلابة للبنان. البرنامج هيتصور في ديكور جديد في بيت فيه أكثر من أوضة داخلية وخارجية هيحصل الحوار فيهم.
قعدة رجالة الموسم الأول بدأ في 2017 مع النجوم إياد نصار، ومكسيم خليل، وشريف سلامة. وفكرة البرنامج ما بتعتمدش على المذيعين، وما فيهوش بطل أوحد، لكن الفكرة نفسها هي بطلة البرنامج، إضافة للنجمة الضيفة. والفكرة هي الوصول للحقيقة حوالين الستات والرجالة والعلاقة اللي دايمًا مش مفهومة بين الستات والرجالة.
ضيفة حلقة السبت الجاي 10 أكتوبر هي شمس الكويتية وشعار الحلقة “صراحة مطلقة وجرأة بلا حدود”. نيقولا معوض، خالد سليم وقيس الشيخ، واجهوا كل أنواع الردود، بدايةً من الدبلوماسية، لحد الصراحة المطلقة، وقالت على الرجل اللي لبس الست بيستفزه إنه “عنده سعار جنسي”.
التعليق باستخدام حساب فيس بوك