محتويات المقال
مع وجود ظروف غير ملائمة للأم إنها تولد طبيعي، وخوفها أحيانا وقلقها من الولادة الطبيعية وآلامها عند أمهات تانية، فكرة العملية القيصرية بتبقى حل كويس بالنسبة للأمهات دي وساعتها بيبان السؤال المهم:
كام عملية قيصرية ممكن الرحم وجسم الأم يستحملوها ؟
قبل ما نجاوب على السؤال ده بنشوف هي إيه مخاطر تكرار العملية القيصرية على جسم الأم ؟
طبقا لموقع مايو كلينك فكل عملية قيصرية مكررة بتكون معقدة أكتر عمومًا من العملية اللي قبلها، ومع كده مفيش أبحاث حددت بالظبط وبشكل دقيق العدد اللي الأم ممكن تستحمله من العمليات القيصرية.
إيه خطر تكرار العملية القيصرية؟
-
إصابات المثانة والأمعاء
يزيد خطر إصابة المثانة لأكتر من 1 بالمئة بعد العملية القيصرية الثالثة. ويزيد الخطر على الأرجح بسبب تجمع أشرطة النسيج شبه المنتدب (التصاقات) اللي بتتكون بعد العملية القيصرية السابقة واللي بتربط المثانة بالرحم. كمان الحاجات المستعملة اللاصقة لما بعد العملية الجراحية ممكن تسبب انسداد صغير في الأمعاء.
-
النزف الشديد
يمكن حدوث النزف الغزير بعد أيّ عملية قيصرية. تشير الأبحاث إلى أن بعد الولادة القيصرية الثالثة، بتزيد مخاطر الحاجة إلى نقل الدم والجراحة لإزالة الرحم (استئصال الرحم) للسيطرة على النزف اللي بيهدد الحياة، بنسبة 1%.
-
مشكلات في المشيمة
كل ما كترت العمليات القيصرية، زاد خطر إصابة المرأة بالمشكلات في المشيمة، زي زراعة المشيمة في عمق كبير في جدار الرحم (المشيمة الملتصقة) أو تغطية المشيمة جزئيًا أو كليًا لفتحة عنق الرحم (المشيمة المنزاحة).
برضو لسه ما جاوبناش على السؤال، كام عملية قيصرية يمكن أن يتحملها الرحم؟
إجابة السؤال ده مش بالبساطة دي عشان الموضوع ده بيختلف من جسم للتاني ومن حالة للتانية فمثلاً في ناس بتقدر تخضع لعمليات قيصرية متكررة من غير أي مشاكل، وفي ناس تانية الأطباء بينصحوها بعدم تكرار التجربة بعد خوضها لمرة واحدة خوفًا من ظهور مجموعة من المضاعفات والمشاكل الصحية المختلفة، زي: البواسير، مشاكل المشيمة.
وبشكل عام بترتفع فرص تعرض المرأة الحامل للمضاعفات الناتجة عن العملية القيصرية خلال وبعد الولادة في كل مرة تخضع فيها لعملية قيصرية جديدة بعد عمليتها القيصرية الأولى.
وطبقا للمعهد الوطني الأمريكي للصحة ممكن ننصح الأم اللي عايزة تجيب أكتر من 3 أطفال إنها ما تختارش العملية القيصرية بإرادتها لأن نسبة المخاطر بتزيد جدًا في الحالة دي.
تمنياتنا لكل الأمهات بالشفاء والعافية .
المصادر:
verywellfamily.com
baby.webteb.com
mayoclinic.org
التعليق باستخدام حساب فيس بوك