محتويات المقال
معرض القاهرة للكتاب، من الأحداث المحببة جدًا لكتير مننا، وبنحب نروحه بصرف النظر هنشتري إيه منه، بس لو انتي أم هتحتاجي تشتري كتب معينة ليكي ولطفلك، حتى لو انتي مش بتحبي القراءة قوي، بس لازم تشتري كتب أطفال لأطفالك، وكتب تربوية ومتخصصة للأمهات ليكي، وعلشان متحتاريش كتير، سواء انتي رايحة معرض الكتاب، أو هتشتري الكتب دي من المكتبات بعد انتهاء المعرض، هنقولك على أجمد 10 كتب للأطفال والأمهات إصدارات 2021 من معرض الكتاب:
-
كتب الأطفال:
-
كتب دار عالية للأطفال
الحقيقة إن كتب دار عالية متميزة جدًا، من ناحية الأولوان والصور والمحتوى، والأطفال بيحبوا إصداراتها جدًا، علشان كده مش هنقولك على كتاب واحد منها، لكن هنقولك على أكتر من إصدار:
إصدارات دار عالية
ومهم تختاري الإصدارات المناسبة لعمر طفلك واهتماماته، ولإصدارات أكتر تقدري تشوفي صفحة دار عالية على الفيسبوك من هنا ودي مقابلة مع وئام أحمد مؤسسة دار عالية لكتب الأطفال
-
على جناح البراق:
وبعد ما فهمنا الفترة اللي فاتت أهمية تعريف ولادنا بفلسطين والقضية الفلسطينية، يُفضل إننا نوصل لهم الفكرة عن طريق كتب شيقة، وده اللي عملته “مكتبة البلسم” ونشرت إصدار جديد اسمه “على جناح البراق” بيتكلم عن المسجد الأقصى من وجهة نظر التاريخ الإسلامي، برأيي إن الكتاب ده يستحق الاقتناء.
-
كل شيء عن المشاعر:
إصدار دار الشروق
أصدرت دار الشروق كتاب رائع للأطفال اسمه “كل شيء المشاعر” والعنوان ده مهم جدًا للأطفال على حسب كلام علماء النفس والتربويين، لإن الطفل لما يعرف مشاعره هيعرف يعبر عنها كويس، وهيعرف يتعامل معاها، وتقدري تشوفي صفحة دار الشروق على الفيسبوك من هنا
-
إصدارات الأطفال من دار البستاني:
إصدارات الأطفال من دار البستاني
لقيت إن إصدارات الأطفال من دار البستاني مميزة جدًا ومناسبة للأطفال، رسوماتها واضحة ومبهجة، وفي نفس الوقت المحتوى هادف وبسيط وهيمس كل الأطفال، وتقدري تعرفي إصدارات أكتر من دار البستاني من صفحتهم على الفيسبوك من هنا
-
إصدارت دار نهضة مصر للأطفال
من أجمل الكتب اللي بتقدمها دار نهضة مصر كل سنة هي مجموعة “ناشونال جيوجرافيك” بالعربي للأطفال، وعلشان تعرفي أكتر عن إصدارات نهضة مصر شوفي صفحتهم على الفيسبوك من هنا
-
كتب أمهات وتربية:
-
الأطفال لا يفهمون كلمة لا:
للدكتورة سارة النجار، المعالجة النفسية والكاتبة، والإصدار من دار دوّن، والكتاب مهم جدًا لكل أم علشان تقدر تفك ألغاز تربية الأطفال.
-
فيم يفكر صغيري:
من أهم مفاتيح التربية السليمة للأطفال، إننا نفهم تكوينهم النفسي والعقلي، وبيفكروا في إيه وازاي، والإصدار ده من دار نهضة مصر، هيسهل عليكي المهمة دي، وهيديكي أمثلة واقعية لحاجات بنقابلها يوميًا مع أطفالنا.
-
الطفل السويّ:
وده إصدار تربوي جديد من نبراس، والريفيوز من الناس اللي اشترته إيجابية جدًا، تقدري تشوفي بقية إصدارات نبراس من صفحتهم على الفيسبوك من هنا
-
دليل التربية الأسرية:
في تصرفات كتير بنعملها كآباء وأمهات، بس للأسف بتأثر سلبًا على أطفالنا، والكتاب ده هيسرد لنا الأخطاء دي، وتقدري تشوفي مزيد من الإصدارات على صفحة دار السلام على الفيسبوك من هنا
-
ماما في مهمة رسمية:
والكتاب ده خفيف ولطيف وبسيط، لو انتي عاوزه حاجة سريعة ومفيدة في نفس الوقت، والكتاب من إصدار دار البشائر
ودلوقتي قوليلنا لو كنتي اشتريتي كتب من إصدارات 2021، سواء للأطفال أو للأمهات، وقوليلنا رأيك فيها.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك