أفضل كريمات السترتش ماركس Stretch marks من الصيدلية

محتويات المقال

كل الناس ممكن تيجي لها سترتش ماركس Stretch Marks أو علامات تمدد الجلد: في مرحلة البلوغ، ممكن البنات يطلع لهم سترتش ماركس، الزيادة في الوزن السريعة ممكن تخلي الرجال والسيدات يطلع لهم سترتش ماركس، الحوامل كمان من أكتر الناس اللي بتطلع لها في فترة الحمل وكمان بعد الولادة. وبالرغم من إن السترتش ماركس مش حاجة خطيرة، بس للأسف مالهاش حل فعال 100% نضمن بيه إنها تختفي خالص أو ما تطلعش لكن فيه بعض الخطوات اللي ممكن تعمليها عشان تحاولي تخففي منها، في المقال ده، هنقول لك على خطوات بسيطة تعمليها عشان تقللي من ظهورها، وأفضل كريمات لعلاج السترتش ماركس Stretch Marks من الصيدلية، بس قبل ما نبدأ في موضوعنا، بنفكرك إنك جميلة في كل حالاتك، وافتكري دايمًا إن السترتش ماركس دي علامة إنك خضتي معارك كتير وانتصرتي فيها والخطوط كانت من أبرز علامات حملك وولادتك.. إنتي دايمًا بطلة.

حبي الـ”سترتش ماركس” بتاعتك!

ما هي السترتش ماركس Stretch marks أو علامات تمدد الجلد

السترتش ماركس Stretch marks بتظهر في أماكن كتير زي البطن، الدراعين، الصدر، الأررداف والفخذين، وبتبقى عبارة عن علامات واضحة فوق الجلد.
بنلاحظ إن السترتش ماركس بيبقى ليها ألوان مميزة، أول ما بتطلع بيبقى لونها أحمر أو مع الوقت بتتحول للون الأبيض، أول ما تلاحظي إنها لونها أحمر بيبقى علاجها سهل أكتر من لما بتتحول للون الأبيض.
وقت لما السترتش ماركس بتكون باللون الأحمر معناه إن الأوعية الدموية موجودة تحت الجلد فالاستجابة للعلاج ممكن تكون فعالة.
السترتش ماركس البيضا بتكون المرحلة الأخيرة من ظهورها وساعتها بيحصل ضيق في الأوعية الدموية وبالتالي الاستجابة للعلاج هتكون أقل.
لو إنتي حامل وخايفة من ظهور السترتش ماركس، ممكن تبدأي ترطبي الجلد من وقت مبكر، ويفضل تستشيري دكتور النسا عن أفضل أنواع الكريمات المناسبة ليكي.

اعرفي أكتر عن سيروم الهيالورونيك وأسعاره من هنا

طرق التخفيف من علامات تمدد الجلد أو السترتش ماركس

بالرغم من إن مفيش علاج محدد وفعال للسترتش ماركس بس ممكن تتبعي شوية خطوات بسيطة للتخفيف من ظهورها:

التقشير: التقشير بيساعد على تنشيط الدورة الدموية في الجلد والتخلص من الجلد الميت، ممكن تستخدمي سكراب تقشير طبيعي أو سكراب مستحضر تجميل على أماكن السترتش ماركس لتنشيط الدورة الدموية فيها.
العلاج بالليزر: انتشر مؤخرًا في بعض مراكز التجميل علاجات مختلفة بالليزر للسترتش ماركس وممكن تكون مكلفة شوية، استشيري طبيب الجلدية الخاص بيكي عن الجلسات دي ومدى فعاليتها على السترتش ماركس.
اتباع نمط حياة صحي: اتباع نظام صحي بيكون له دور في صحة البشرة في العموم مش على السترتش ماركس بس، شرب المياه بكثرة وممارسة الرياضة وتقشير الجلد والمحافظة على الغذاء الصحي، ليهم دور كبير في الحفاظ على ترطيب بشرتك وصحتها ونضارتها، وبالتالي ممكن تقللي من ظهور السترتش ماركس.
استخدام الكريمات المرطبة بشكل دوري ممكن يخفف من حدتها شوية ويخليها أقل وضوحًا.

نصائح رائعة لبشرة خالية من حب الشباب