الشعر الكيرلي بيحتاج أدوات عناية مخصوصة عشان تقدري توصلي للشكل النهائي المطلوب. وأدوات الشعر الكيرلي بتخلف على حسب درجة كثافته واحتياجك اليومي، فيه أدوات ممكن تستخدميها بشكل يومي زي الفرشاة والمشط وفيه أدوات ممكن تستخدميها كل فترة زي مكواة الشعر الكيرلي. وبالنسبة للأسعار فهي برضو متفاوتة من أقل من 100 جنيه وحتى فوق الألف جنيه. وانهردة في الموضوع ده هنتكلم عن أدوات الشعر الكيرلي واستخداماتها وأسعارها في السوق المصري.
اعرفي ازاي تنفذي روتين الشعر الكيرلي خطوة بخطوة
أدوات الشعر الكيرلي بالأسعار
فرشاة الشعر الكيرلي
الشعر الكيرلي عند بعض السيدات ممكن يحصل فيه تشابك كتير. فبالتأكيد بيحتاجوا فرشاة لفك التشابك، والفرشاة دي بتكون مختلفة كتير عن الفرش العادية وأسنانها عريضة عشان تمنع تشابك خصل الشعر في بعض. فرشاة الشعر الكيرلي ممكن تلاقيها في محلات أدوات الشعر والتجميل زي سمير ويليام وسعرها بيتراوح من 30 جنيه وحتى 200 جنيه حسب الماركة وممكن تشتريها من هنا.
6 بلوجرز تتابعيهم لو مهتمة بالشعر الكيرلي
لفافات الشعر الكيرلي
ودي بتكون مفيدة للسيدات اللي شعرهم بيكون مموج شوية أو بيكون شعرهم مش كيرلي ومحتاجين يحصلوا على اطلالة الشعر الكيرلي، أما بقا صاحبات الشعر الكيرلي فاللفافات برضو بتبقى حلوة ليهم عشان بتدي مظهر لطيف. اللفافات بتكون استخدامها بسيط وسعرها مش عالي وليها كذا شكل ونوع وممكن تتفرجي على الأنواع وأسعارها من هنا.
بونيه مصنوع من الساتان
البونيه الساتان مهم جدًا لفترة النوم عشان تقدري تحافظي على شعرك من الهيشان والحفاظ على الشعر يفضل كيرلي وقت النوم وسعره بيبدأ من 90 جنيه تقريبًا وممكن تشتريه من هنا.
روتين الشعر الكيرلي الأفضل للأطفال
فوطة مايكروفايبر للشعر الكيرلي
الفوطة المايكروفايبر بتساعد على تجفيف الشعر بشكل أسرع من الفوط العادية وكمان بتحافظ عليه من التشابك والتقصف لإنك مش بتضطري تفركي الشعر عشان تنشفيه. سعرها بيبدأ من 50 جنيه وممكن تشتريها من هنا.
مكواة الشعر الكيرلي
بعض السيدات بيكون شعرهم ناعم وبيفضلوا لوك الشعر الكيرلي فمكواة الشعر الكيرلي هتكون مناسبة جدًا ليهم. أما صاحبات الشعر الكيرلي فالمكواة هتساعدهم على تعزيز الخصل وهتديها شكل لطيف. سعر مكواة الشعر الكيرلي للماركات المشهورة ممكن يبقى عالي شوية وسعرها بيتراوح من 1000 لـ 2000 جنيه على حسب الماركة وممكن تشتريها من هنا.
الدفيوزير Diffuser لتجفيف الشعر
الدفيوزير بتبقى قطعة موجودة في مجفف الشعر أو ممكن تتباع بشكل منفصل وبتساعد على توزيع الهواء اللي بيطلع من مجفف الشعر عشان يدي الشعر الشكل الكيرلي المطلوب. وممكن تتعرفي على الأسعار من هنا
بالفيديو: ازاي أحافظ على شعري الكيرلي أثناء النوم
التعليق باستخدام حساب فيس بوك