محتويات المقال
سيدات كتير بيلجأوا لوسائل منع الحمل لأسباب مختلفة، منها عدم الاستعداد الحالي، المادي أو النفسي وأحيانا لأن في طفل تاني موجود بياخد كل اهتمام الأب والأم، ومن أكتر الوسائل المنتشرة والفعالة لمنع الحمل هي اللولب.
إيه هو اللولب؟
في نوعين مشهورين هما اللولب النحاسي واللولب الهرموني.
-
اللولب النحاسي:
- هو جهاز لولب رحمي (IUD) بيقدر يساعد في تنظيم النسل على المدى الطويل (منع الحمل). بيُشار إليه أحيانًا بخيار اللولب الرحمي غير الهرموني.
- جهاز اللولب النحاسي عبارة عن إطار بلاستيكي على شكل حرف T بيتم إدخاله في الرحم.
- السلك النحاسي الملتف حول الجهاز بيعمل تفاعل التهابي سام للحيوانات المنوية والبويضات، وده بيأدي لمنع الحمل.
إمتى السيدة تقدر تمارس العلاقة الحميمة بعد تركيب اللولب النحاسي؟
- بيبدأ اللولب النحاسي في منع الحمل بمجرد تركيبه، وفقًا لمنظمة الأبوة المخططة الأمريكية.
- سريع المفعول بحيث السيدة تقدر تستخدمه كوسيلة لمنع الحمل غير إنه ممكن يفضل في مكانه لمدة 10 سنوات، بس في سيدات بيعانوا أحيانا من تقلصات أو نزيف بعد تركيبه لكن ده المفترض إنه بيقف بعد 48 ساعة لـ 72 ساعة.
-
اللولب الهرموني:
- هو جهاز لولب رحمي هرموني (IUD) وهو عبارة عن إطار بلاستيكي على شكل حرف T بيتركب في الرحم، وبيفرز نوع من هرمون البروجستين. لمنع الحمل، اللي بيساعد على :
- بيخلي المخاط في عنق الرحم كثيف أكتر لمنع الحيوانات المنوية من الوصول إلى البُوَيضة أو تخصيبها.
- بيخفف من سُمك بطانة الرحم وبيمنع التبويض بشكل جزئي.
إمتى السيدة تقدر تمارس العلاقة الحميمة بعد تركيب اللولب الهرموني؟
- اللوالب الهرمونية بتمنع الحمل مباشرة لو تم تركيبها خلال الأيام السبعة الأولى من الدورة الشهرية، إذا تم تركيب اللولب الهرموني في أي وقت آخر خلال دورتك، ففعاليته هتبدأ خلال 7 أيام.
إمكانية حدوث حمل مع استخدام الواقي الذكري (الكوندوم)
إيه هو أفضل وقت لتركيب اللولب بعد الولادة؟
- أول حاجة بتفكر فيها الأم بعد الولادة هي تركيب وسيلة لمنع الحمل لحد ما تستعيد صحتها وعافيتها، وينفع عادةً تركيب اللولب بعد أربع أسابيع من الولادة، سواء ولدتِ بصورة طبيعية أو عن طريق الولادة القيصرية.
- والخيار الأفضل هو إما تركيب اللولب فور الولادة، ساعتها بيكون في خطر بنسبة 10 في المائة بس لإن الرحم يتخلص من الجهاز ويطرده بره الجسم، أو ممكن السيدة تستنى لبعد الولادة بحوالي أربع أسابيع على الأقل ساعتها بتكون نسبة طرد الرحم للجهاز حوالي 4 في الميه بس.
وبنفكرك دايمًا باستشارة طبيبك المتابع لحالتك لأن هو هو أقدر واحد على تحديد نوع اللولب المناسب ليكي، أو اختيار وسيلة منع حمل مختلفة.
بعد ما تشيلي اللولب.. ازاي تخططي للحمل؟
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك