محتويات المقال
منظار الرحم والأنابيب، بيستخدم في حالات معينة يحددها طبيب أمراض النساء، وأغلب الحالات دي بتكون يا إما تأخر الحمل أو النزيف الشديد والمستمر، وفي المقال ده هنقول لك كل حاجة محتاجة تعرفيها عن منظار الرحم والأنابيب، أنواعه وفوايده وآثاره الجانبية ومضاعفاته.
-
أنواع منظار الرحم
- منظار الرحم العلاجي.
- منظار الرحم التشخيصي.
والنوعين بيستعملوا للرحم وقنوات فالوب أو ما يسمى بالأنابيب.
أسباب تأخر الحمل بعد السنة الأولى
-
منظار الرحم العلاجي
وده بيشمل النوعين مع بعض، يعني في نفس الوقت اللي بيتعمل فيه منظار الرحم التشخيصي، الطبيب بيعالج المشكلة بالمنظار، وده فايدته إن المريضة مش بتتعرض للمنظار مرتين.
-
منظار الرحم التشخيصي
وده بيكون عن طريق فتحة تحت منطقة السرة، بيدخل فيها المنظار ومعاه كاميرا متخصصة، تبين للطبيب المشكلة.
-
خطوات جراحة منظار الرحم والأنابيب
- في بعض الحالات المريضة بتاخد مهديء في مرحلة الاستعداد للتخدير.
- توسيع عنق الرحم.
- يقوم الطبيب بإدخال الأنبوب من خلال المهبل وعنق الرحم وصولًا إلى الرحم.
- يضخ الطبيب غاز ثاني أكسيد الكربون علشان توسيع الرحم والتخلص من أي التصاقات.
-
مدة عملية منظار الرحم والأنابيب
من 5 دقايق لساعة، على حسب كل حالة، وعلى حسب الطبيب هيستخدم المنظار التشخيصي بس، ولا هيستخدم العلاجي كمان.
-
فوائد منظار الرحم
- بقاء المريضة فترة قصيرة في المستشفى.
- فترة العلاج والشفاء قصيرة.
- المريضة مش بتحتاج مسكنات قوية للألم.
- عملية منظار الرحم والأنانبيب، من العمليات الجراحية الآمنة جدًا.
- التخلص من التصاقات الرحم وقنوات فالوب.
-
إمتى تعملي منظار الرحم والأنابيب؟
في الأسبوع الأول بعد انتهاء الدورة الشهرية، لإن أثناء الدورة الشهرية مش هينفع الطبيب يشخص، وبعد الأسبوع الأول من الدورة الشهرية ممكن يكون فيه حمل، أو على الأقل تبويض. وفي الحالة دي، برضه مش هينفع يدخل منظار الرحم.
-
الأعراض الجانبية المؤقتة لمنظار الرحم والأنابيب
- تشنجات البطن.
- نزيف مهبلي طفيف ليوم أو اثنين.
- ألم في منطقة الكتف بسبب احتباس الغاز اللي بيتم استخدامه في الجراحة داخل جسمك.
-
الأعراض الجانبية الخطيرة لمنظار الرحم والأنابيب
- ارتفاع درجة حرارة الجسم.
- ألم حاد في البطن.
- نزيف حاد وإفرازات مهبلية غير طبيعية.
لو حصل ليكي أي عرض من دول، لازم تستشيري طبيبك فورًا.
-
مضاعفات منظار الرحم والأنابيب
- المخاطر المرتبطة بالتخدير.
- العدوى الميكروبية.
- النزيف الحاد.
- إصابة في عنق الرحم، أو الرحم، أو المثانة.
- إحداث ندبات داخل الرحم.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك