ليلة الدخلة .. كل حاجة محتاجة تعرفيها بالتفصيل

لو مخطوبة أو مرتبطة وداخلة على جوازتك الأولى، محتاجة تعرفي حاجات عشان تكوني مستعدة نفسيا. غالبًا ليلة الدخلة هي ليلة بنسمع عنها حاجات كتير وكتير منها بيكون تهويل وبيعمل حالة ربكة ورعب عند البنات. عشان كده لازم تكوني عارفة معلومات حقيقية قبل ما تاخدي الخطوة دي عشان تتفادي الخوف والارتباك والمشاكل اللي ممكن تحصل.

اعرفي قايمة جهاز العروسة

ليلة الدخلة

مبدئيًا الاسم يخوّف، وفيه ناس كتير بتعتبره سخيف ومتعدي على البنت. لكن ممكن انتي تغيريه للاسم اللي انتي عايزاه: أول يوم زواج – ليلة العمر – أو نسميها ليلة الدخلة لكن نغير معنى الكلمة بيننا وبين نفسنا إنها تكون بمعنى دخولنا بيت جديد مع شريك الحياة.

شوفي فساتين أفراح هنا

أول يوم زواج بالتفصيل

أكتر سؤال بيتسأل .. حتى على جوجل .. “ماذا يطلب الزوج من زوجته ليلة الدخلة؟” والإجابة بسيطة، بيطلب ممارسة العلاقة الحميمة. لكن لازم تكوني عارفة إنه مش لازم يحصل أول يوم علاقة حميمة. وإنه لو انتي وجوزك بينكم مودة وعلاقة حب لطيفة، ممكن تتكلموا إنكم تؤجلوا العلاقة الزوجية أول ليلة بحيث تكون مثلًا اليوم اللي بعده أو وقت ما تحبوا عشان بس تدوا فرصة لنفسكم انتم الاتنين تاخدوا على بعض في جو البيت وجو أوضة النوم. محتاجين الأول تاخدوا على إنكم ممكن تبوسوا بعض وممكن يحصل تلامس جسدي لإن ده ما كانش بيحصل، وبعدين شوية شوية ده بيمهد لحاجة أكبر.

غشاء البكارة

من أكتر الحاجات اللي بتقلق البنات وبتسبب ضيق المهبل من كتر التوتر هي العذرية أو غشاء البكارة. لكن برضه عايزة أطمنك إن مفيش أنهار دم بتنزل ومفيش نزيف ولو ده حصل، بيكون نتيجة محاولة عنيفة أو غشيمة من الزوج لدخول عضوه. عشان كده، لازم تكوني انتي وخطيبك متكلمين في الموضوع ده، أو تقضوا أول ليلة بتتكلموا فيه عشان تكونوا انتم الاتنين على نفس الموجة وهو يكون متفهم إنه ما ينفعش يحاول معاكي بعنف. تاني حاجة عايزة أقولها لك إن غشاء البكارة مش لازم يكون دافع توتر بالنسبة لك أصلًا لأنه في الأول وفي الآخر عبء اجتماعي محطوط عليكي ومش لازم يكون أسطورة أنهار الدم المرتبطة بالشرف دي حقيقية.

اكتشفي تفاصيل الجهاز التناسلي للمرأة بدون إحراج

أول مرة تحب يا قلبي

أول مرة تمارسوا فيها العلاقة الحميمة، ممكن تحسي بوجع. لكن لازم تفهمي إنه أشبه بوجع أول مرة تروحي الجيم. عضلة عمرها ما اتمرنت في حياتها وفجأة عملتي لها تمرين مكثف. هيحصل إيه؟ هتوجعك. بس عشان المنطقة دي حساسة قوي، الوجع بيكون شوية أكبر. لكن مع عنايتك الشخصية بنفسك وتركيزك انتي والزوج على إنكم تمهدوا للموضوع بالشكل الكافي، هتلاقي الوجع بيروح مع الوقت وهتلاقي متعة في العلاقة الحميمة.

التمهيد

التمهيد أو الـforeplay مهم جدًا، الحاجات اللطيفة زي التقبيل والتلامس والمداعبة مهمة جدًا جدًا جدًا قبل الولوج (دخول العضو الذكري في العضو الأنثوي)، حتى دينيًا، بينصح في ليلة الدخلة في الإسلام بالتمهيد: “وقدموا لأنفسكم”.

الأورجازم

نسبة كبيرة جدًا تصل لـ95% من البنات والستات بيوصلوا للأورجازم أو النشوة الجنسية من البظر (يعني من الخارج، من برا) مش من جوا المهبل، عشان كده، يفضل الزوج يداعب البظر من الخارج الأول.

بعد العلاقة الحميمة

بعد العلاقة، ينقسم قسمين: قسم بينكم وقسم ليكي انتي. القسم اللي بينكم إنكم مش لازم تناموا بعدها على طول أو تسيبوا السرير وتقوموا تعملوا حاجة. يفضَل دايمًا إنكم بعد العلاقة الحميمة، تحضنوا بعض حتى لو هتقعدوا ساكتين أو تكلموا بعض في حاجة جميلة، لإن ده بيوطد العلاقة بينكم وبيقويها. أما القسم الخاص بيكي، فقبل ما تدخلي الحضن، لازم تدخلي الحمام. ببساطة، إنك تنزلي أي بول موجود في المثانة بيمنع حدوث أي التهابات. وبلاش تستعملي غسول مهبلي لإن ده بيساعد على الالتهابات برضه. المهبل عضو بينضف نفسه بنفسه فمش محتاج منك إضافة أي مواد تنضيف. والتنشيف دايمًا يكون من قدام لورا لمنع نقل أي بكتيريا من الخلف للمهبل، ودايمًا يكون بمناديل أو لو هتستخدمي فوطة الحمام الصغيرة، تغسليها بعد كل استخدام لتفادي أي التهابات برضه.

اعرفي هنا طرق العناية بالمنطقة الحساسة

أتمنى لك ليلة سعيدة وحياة جميلة ومليئة بالفرحة والصحة.

عشان تعرفي عن التشنج المهبلي، ادخلي هنا.

مصدر معلومات الأورجازم عند الستات

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.