محتويات المقال
كل مرحلة من حياة الطفل، لها أدواتها المناسبة لها ولها متعتها الخاصة، فلما طفلك يكبر ويقدر يشرب ويمسك من كوباية. أكيد هتجيبي له كوباية خاصة بيه وبمشروباته، ورغم أن السوق مليان خيارات لماركات كوب شراب للرضع، فلازم تعرفي إن في مواصفات معينة لازم تكون متوفرة في الكوباية اللي هتختاريها لطفلك، وده اللي هنقوله لك في المقال ده.
مواصفات كوب شراب للرضع
- خامة صحية
- حجم مناسب
- تصميم آمن
- محكم وثابت
- اختاري مع طفلك
-
خامتها صحية

بلاستيك آمن على الأطفال
أدوات الأطفال مهم جدًا إن تكون الخامات المصنوعة منها، آمنة صحيًا وعلشان تعرفي تفرقي ما بين البلاستيك الضار والآمن، اختاري المنتجات اللي مكتوب عليها رقم 5 زي اللي في الصورة، لإنه مصمم خصيصًا لأدوات الأطفال وأدوات الأكل، ومش بيتفاعل مع السوائل السخنة ومناسب لدخول المايكروويف وغسالة الأطباق.
-
حجمها مناسب
مهم تعرفي المناسب لعمر طفلك وقدراته، فلو هو لسا صغير ومش متحكم كويس في مسكة الكوباية، فبلاش تجيبيها حجمها كبير أو طويلة جدًا، وحاولي تختاري حجم مناسب لعضلات إيده لما يشيلها وهي مليانة بالسوائل.
-
تصميمها آمن
لما بنختار حاجة لأطفالنا، بتكون أصغر تفصيلة مهمة جدًا، لإنها ممكن تفرق سلبًا أو إيجابًا في المنتج كله، علشان كده حاولي تاخدي بالك من كل التفاصيل في تصميم الكوباية، هل فيها شاليموه ممكن يجرح سقف فمه، أو هل في حاجة في البلاستيك بتاعها زي كلبس مثلا ممكن يجرح إيده، وهكذا.. لحد ما تلاقي أكتر تصميم مناسب لأمان طفلك.
علامات بتقولك لازم تتخلصي من ببرونة طفلك القديمة
-
محكمة وثابتة
اختاري الكوبايات اللي غطاها محكم جدًا، علشان ما تعملكيش حوادث إنتي أكيد في غنى عنها، زي إن السوئل تتدلق على ملابس طفلك، أو لو حطيتيها في شنطة البيبي ومالت شوية، توقع كل السائل اللي فيها وتبهدل كل الحاجات، وهكذا، وفي بعض الكوبايات بيكون فيها تقل من تحت، ده بيخليها أكتر ثبات وما يخليهاش تدلق السائل اللي فيها بسهولة، لكن برضه تجنبي الكوبايات اللي ما بتوقعش خالص حتى لو وقعت من الطفل أو رماها، لإنك كده بتحرميه من مهارة مهمة وهي إنه يتحكم في الكوباية ومسكته لها علشان يحافظ على السائل اللي فيها، ولو مسك كوباية تانية مافيهاش الخاصية دي، مش هيقدر يتحكم فيها ولا يعرف عواقب وقوع السائل على ملابسة من بلل واتساخ وفقد السائل نفسه.
-
شاركي طفلك في اختيار الكوباية
لو لقيتي كل الشروط والمواصفات اللي انتي محتاجها للكوباية، ولقيتي منها أكتر من لون أو شكل، يارايت لو تخلي طفلك هو اللي يختار ما بينهم، لإن ده هيزود ثقته في نفسه وهيزود ارتباطه بالكوباية، وده هيفيدك جدًا لو انتي بتفطميه من الببرونة وبتحوليه للكوباية.
قائمة تحضير شنطة الرضاعة الطبيعية
التعليق باستخدام حساب فيس بوك