محتويات المقال
خلاص زهقنا من قمر الدين والكركديه والتمر هندي والسوبيا التقليدية، والحر هجم علينا وخلّانا محتاجين مشروبات ساقعة ومنعشة وكمان مختلفة على الفطار. تعالوا النهارده نلعب مع بعض شوية ونجرب شوية ميكسات جديدة للعصاير، ونخلط العصاير الرمضانية التقليدية مع مشروبات تانية تضيف عليها طابع صيفي منعش وجديد. في المقال ده، بنقدم لك 5 مشروبات غير تقليدية تنفع لرمضان، وللصيف، وكمان لشم النسيم وبلمسة من الانتعاش.
مشروبات رمضانية مختلفة
- مشروب الكركديه بالبرتقال والصودا
- موخيتو الفيمتو
- سموزي السوبيا والتوت
- سموزي قمر الدين والزبادي
- سموزي قمر الدين والزبادي
مشروب الكركديه بالبرتقال والصودا
مشروبات رمضانية مختلفة – المصدر: homecookedroots
المقادير (تكفي 4 أشخاص)
- 2 كوب كركديه محلى
- 1 كوب ماء صودا أو ماء تونيك
- 1/2 كوب عصير برتقال
- شرايح برتقال
- مكعبات تلج
- 1 معلقة كبيرة ماء ورد (اختياري)
الطريقة
- اخلطي كل المكونات مع بعض في شفشق زجاجي وضيفي مكعبات التلج وقدميه.
موخيتو الڤيمتو
مشروبات رمضانية منعشة – المصدر: youtube
المقادير
- 1/4 كوب شراب ڤيمتو
- 1/2 كوب أوراق النعناع
- 2 كوب صودا بنكهة الليمون (سفن أب)
- شرايح ليمون
- عصير ليمونة
- مكعبات تلج
الطريقة
- في شفشق زجاجي ضيفي مكعبات التلج، أوراق النعناع، وشرايح الليمون، وصبي فوقهم باقي المكونات.
- قلبي المكونات كويس وقدمي الموخيتو.
سموزي السوبيا والتوت
كوكتيلات رمضانية – المصدر: eatwell
المقادير
- 2 كوب عصير سوبيا جاهز محلى
- 2 بولة آيس كريم توت
- 1/2 كوب تلج
- 1/2 كوب عصير توت غير محلى
- توت طازة أو مجمد للتزيين
- فستق مطحون للتزيين
الطريقة
- في الخلاط ضيفي كل المكونات واخلطيها كويس لحد ما تتجانس.
- زينيها بحبات التوت.
لو بتحبي السوبيا، ادخلي هنا عشان تعرفي فوائد مشروب السوبيا في رمضان
سموزي قمر الدين والزبادي
المصدر: commissaries
المقادير
- 2 كوب عصير قمر الدين المحلى
- 1 كوب زبادي يوناني
- 1/4 كوب كريمة
- 1 معلقة كبيرة عسل أبيض
- 1 معلقة صغيرة فانيليا
- مكعبات تلج
- كريمة مخفوقة للتزيين
الطريقة
- في الخلاط ضيفي كل المكونات ومكعبات التلج واخلطيها كويس.
- زيني الأكواب بالكريمة المخفوقة وقدميها.
لو نفسك في مشروبات منعشة وفي نفس الوقت تساعر على تقوية مناعتم ضد الأمراض، ادخلي على اللينك ده
ليمونادة الفراولة والورد
كوكتيلات مشروبات رمضان – المصدر: saucykitchen
المقادير
- 1/2 كوب عصير ليمون
- 1/2 كوب ماء
- 1/2 كوب سكر
- 400 جم فراولة
- 1 معلقة كبيرة ماء ورد
- مكعبات تلج
- ورق نعناع
الطريقة:
- في كاسارولة على النار، ضيفي المياه والسكر وعصير الليمون وسيبيهم على نار متوسطة لحد السكر ما يذوب تمامًا ويوصل للغليان، بعدها ارفعيه من على النار وسيبيه يبرد تمامًا.
- في الخلاط، ضعي الفراولة المغسولة المقطعة وماء الورد والقليل من الماء المثلج، واخلطيها لحد ما تبقى ناعمة وصفيها بالمصفاة لو حبيتي تكون ناعمة تمامًا.
- في وعاء التقديم، ضعي مكعبات التلج، شرايح الليمون، أوراق النعناع، وصبي فوقهم عصير الفراولة وشربات الليمون المركز إللي حضرتيه مسبقًا، قلّبي كل المكونات كويس جدًا وقدميه.
لو بتحبي الفراولة، ادخلي هنا عشان تعرفي طريقة عمل مربى الفراولة الدايت بطريقة صحية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك