محتويات المقال
كتير مننا بيستخدم الأبراج كوسيلة تعرف على تركيبة الشخصية اللي قدامك، ده على أساس إن أصحاب كل برج بيتمتعوا بسمات شخصية عامة تقريبًا مشتركة بينهم، صحيح الظروف البيئية والمجتمعية بتعمل فروق بين الأشخاص، بس في العموم التعامل مع اللي قدامك بناء على برجه مش دايمًا غلط.
دلوقتي لو إنتي عروسة ومتقدم لك عريس بيكون السؤال عن سنه وتاريخ ميلاده من أوائل الأسئلة اللي بتيجي على البال، صحيح مش دايمًا بتكون معلومة تاريخ الميلاد دي متوفرة في أول لقاء، لكن لو اتوفرت لك، اعتبريها وسيلة لمعرفة برج العريس ده وبالتالي تقدري تعرفي تتكلمي إزاي مع كل عريس حسب برجه.
عريس برج الحمل
- أول نصيحة في التعامل مع رجل برج الحمل هو إن صوتك يكون منخفض وهادي، لأن دي من أكتر الأمور الجذابة ليه، فحاولي تكون دي أول وأهم أدواتك .
- رجل برج الحمل بيتعامل دايمًا على إنه القائد الصياد. علشان توصلي له، حسسيه إنه هو اللي بيطاردك وهو المتحكم، رغم إن في حقيقة الأمر إنتي المتحكمة تمامًا.
- بيتمتع بشخصية معقدة ولكنها قوية، وبالتالي هو بيحتاج لست صاحبة شخصية قوية علشان تقدر تدعم حماسه غير المحدود وفي نفس الوقت وتظهر احترامها له.
- مهم جدًا تفضلي طول الوقت معاه محافظة على شخصيتك لأنه مش بيحب أبدًا شخصية الست اللي معاه تكون ضعيفة.
- رجل برج الحمل بيحب جدًا المرأة اللي بتتمتع بروح دعابة عالي، يعني دمها يكون خفيف وصاحبة نظرة إيجابية للحياة. وفي نفس الوقت، تكون واثقة من نفسها وعارفة إن كل حاجة سلبية في الحياة هتعدي.
- رجل برج الحمل بيحب من خلال عينيه، فبالتالي من المهم تهتمي بنفسك وباختيار الألوان والتصميمات المناسبة ليكي اللي كمان بتليق على لون بشرتك وبتديكي مظهر أنيق وجذاب.
- ما تخافيش إنك تظهري ذكائك وعمق شخصيتك وإنتي مع رجل برج الحمل، ده بيجذبه جدًا ليكي وبيخليكي مثيرة لاهتمامه.
- اتصرفي بطريقة طبيعية، بعيد تمامًا عن التصنع في الحركات والكلام. واخلقي جو من المرح الهاديء من غير ضحك مبالغ فيه ولا صوت عالي.
عريس برج الثور
- اظهري أنوثتك الطبيعية بدون أي تكلف ولا خوف من خلال الاهتمام بمظهرك وتفاصيل شكلك.
- الاهتمام بشخصيتك وجمالك الداخلي من الحاجات اللي بتأثر عليه جدًا وفي نفس الوقت بيساعدك على فهمه أكتر وأكتر.
- إديه دايمًا فرصة يعبر عن وجهة نظره واحترميها، الكلام دايمًا يكون متبادل، يعني مش بس بتتكلمي لكن كمان تسمعي له وما تقاطعيش كلامه.
- هو راجل روتيني وفي نفس الوقت بيعتز جدًا بممتلكاته الشخصية ومش بيحب أبدًا أي حد يلعب فيها.
- محب جدًا للاهتمام وإنه يكون على قائمة أولوياتك.
- الابتسامة الرقيقة من أكتر أدوات جذب رجل برج الثور وبتخليه عايز يقرب منك جدًا.
- احترمي شخصيته وتقبليها زي ما هي، ولو لاقيتي صفة سلبية محتاجة تغيير، لازم تتكلمي معاه بأسلوب مهذب ورقيق، وفيه دعم وتشجيع على التخلص من الصفة دي.
- بيحب جدًا إن شريكة حياته تكون علاقتها بأهله قوية وفيها احترام، ده بجانب إنه بيحب جدًا الالتزام بالمواعيد.
عريس برج الجوزاء
- أكثر حاجة تجذب عريس برج الجوزاء هي المرأة الذكية اللي تقدر أنها تسيطر على عقله وقلبه.
- بيحب يحس إنه تعب على ما وصل قلبك، فخليه دايمًا يحس إن قلبك صعب الوصول له.
- رجل الجوزاء بيمل بسرعة فلو عايزة تجذبيه لازم تكوني مرحة ومتجددة وبتحبي المغامرات، هو بيحب كسر الروتين جدًا.
- هو رجل مزاجي جدًا فلو قررتي تكملي مشروع الإرتباط بيه لازم تتحملي الجزئية دي فيه شخصيته، ده لأنه بيقدر جدًا المرأة اللي تستحمله.
- بيحب المرأة الطموحة اللي بتسعى دايمًا لتحقيق أهدافها.
- رجل برج الجوزاء بيمتلك روح حرة، فلو عايزة تجذبيه لازم يفضل يحس بحريته وإنه عنده المساحة لممارسة حياته بحرية.
- هو رجل من الصعب أنه يلتزم بعلاقة جدية، فلما توافقي على ارتباطك بيه متحاوليش أنك تحرقي مراحل تطور العلاقة، ولا تحاولي أن تنتقلي من مرحلة الحب إلى مرحلة الزواج وتأسيس حياة زوجية مرة واحدة.
عريس برج السرطان
- لازم تعرفي إنه محتاج الصبر علشان تقدري تكتسبي ثقته وده من خلال المعاملة اللطيفة وزي ما قولت لك الصبر.
- الصدق من أهم الركائز لتكوين علاقة قوية معاه، وفي نفس الوقت الحرص في استخدام الألفاظ خلال الكلام معاه علشان تجنب جرح مشاعره، ده لأنه عنده حتة إنه بياخد معاني الكلام على محمل شخصي حتى لو اللي بيكلمه مش قصده كدة أبدًا.
- تجنبي تخييب أمله، ولأنه من السهل جدًا كسب ثقته من خلال تجنب خجله وإنك تتفهمي مشاعره.
- هو مش بيحب أبدًا إنه يكون محور الإهتمام ده لأنه بيتوتر جدًا، وأقرب طريق لقلبه هو حب عيلته ليكي لأنه بيعتبر حبهم ده مصدر للثقة.
- احترمي رغبته في الابتعاد عن الأماكن الزحمة، فهو محب لقضاء الوقت في البيت.
- علاقته بوالدته قوية ومميزة جدًا، فانتي هتلاقي نفسك بتطلبي مساعدتها في التعامل معاه بشكل أفضل.
اعرفي مواصفات رجل برج السرطان بالتفصيل
عريس برج الأسد
- رقم واحد إنك تحسسيه بالتقدير لمشاعره وطيبة قلبه.
- اظهري الاهتمام به ومعاملته بطريقة مميزة، وفي نفس الوقت، اديه الإحساس بالسيطرة على المواقف والأمور كلها.
- قدمي الاحترام له بشكل دائم؛ لإنه بيعتبره حق طبيعي بجانب إنه بيكره جدًا عدم إظهار احترامه.
- بيتمتع بشخصية اجتماعية وجذابة، فلازم تتعاملي إنه في أي تجمع هيكون نجم التجمع.
- بيحب جدًا دعمه في تحقيق أحلامه وطموحاته وأفكاره، فبمجرد إنه يقرر أي حاجة، فاعرفي إنه هيقوم بالمستحيل لتحقيقها.
- بيحب جدًا الإطراء عليه ومدحه باستمرار، وفي نفس الوقت الإخلاص له جدًا.
- بيحب أوي الكلام عن الحاجات القيمة والفاخرة، بيهتم جدًا بالأناقة وكل غالي.
- هتلاقي نفسك بتساعديه في الأمور المالية ده لأنه مسرف جدًا.
عريس برج العذراء
- مش بيحب أبدًا المرأة الجريئة. فلو عايزة تقربي منه، تجنبي لفت أنظاره بشكل جريء.
- مش بيحب المرأة المتسرعة. علشان كده، لازم تعرفي إن النتايج معاه بتاخد وقت على ما تظهر.
- بيكره الخداع والكذب وعاشق للمرأة الصريحة.
- بيحب المرأة اللي عندها إطار أخلاقي عالي، وفي نفس الوقت أنيقة جدًا في تصرفاتها.
- مش بيعلن عن مشاعره بسرعة. علشان كده، شريكة رجل العذراء لازم تكون صبورة علشان يبادلها المشاعر.
- اعرفي إنه حذر في الدخول في علاقات، يعني زي ما بنقول راجل تقيل.
- رجل العذراء بيفضل عدم المبالغة في مدحه لأنه شخص مش بيحب المديح ولا النفاق.
عريس برج الميزان
- رجل برج الميزان بيدور على حاجات معينة في شريكة حياته، أولها الاهتمام بمظهرها، علشن كدة هتحتاجي تهتمي بملابسك إنها تكون أنيقة وجذابة.
- هو راجل محب جدًا للهدوء ومتوازن في تقيميه للأمور فتجنبي تحسسيه بالتوتر سواء إنتي اللي حساه أو تخليه يحسه .
- اظهري الشخصية الاجتماعية اللي عندك ده لأن رجل برج الميزان إجتماعي جدا بطبيعته وبيكون صدقات بكل سهولة وبإستمرار.
- هو راجل بيتمتع برومانسية كبيرة جدا، يعني في علاقتك معاه تأكدي إنك هتتمتعي بلحظات رومانسية كتيرة جدا.
- تجنبي لتقليل من أهمية كلامه، لأنه بيحب جدًا إن شريكة حياته تحترمه وتسمع كويس لكلامه حتى لو كلام بسيط.
- خليكي شخصية هادية ، رجل الميزان بيعشق التوازن والهدوء،فلو عايزة تكسبي قلبه لازم تكوني هادية معاه في كلامك.
- اقدمي الدعم ليه فرجل الميزان بيحب شريكته إنها تكون بعيدة عن الأنانية علشان كدة هو بيحتاج منك الدعم المستمر.
- اظهري خفة دمك لأنها من الأمور الجذابة لرجل برج الميزان جدا .
عريس برج العقرب
- رجل برج العقرب له شخصيته الخاصة في الحب فهو رجل غيور إلى أبعد الحدود ويعتبر رجل بخيل في عواطفه، ولكن في الحقيقة هو على العكس ففي أعماق قلبه الكثير من الحب على الرغم من أنه يحاول عدم إظهارها.
- ولو حصل وأظهر عواطفه فهيكون ده بينك وبينه بس مش أمام الناس.
- بيحب المرأة العفوية البعيدة عن التصنع.
- ولو اتضايق منك كتير فهو مش هيسامحك وهيتعامل معكي بقسوة، ده بجانب أنه يحب السيطرة على المرأة علشان يحس بقوته يشعر بأنه قوي.
- تجنبي معاندته أو مجادلته لأنه هيكون مجهود كبير جدا على الفاضي وعلشان تكسبيه لازم تخليه يرتاح من ناحيتك علشان يقدر يكشف على أسراره.
- هو راجل بيتوتي جدا ومخلص لزوجته جدا علشان كدة مش هتحتاجي تغيري أو تشكي فيه.
- هو حشري شوية فتلاقيه عنده فضول إنه يتعرف على الناس، بيتمتع بسرعة بديهة وبيعرف يمسك بزمام الأمور
- هو من أكثر الأبراج ذكاء، ومستقل ومغامر وطموح ومش بيخاف من حاجة وبيصر على تحقيق أهدافه وطموحاته.
- وعلى الرغم من أن رجل وفي ومخلص إلا أنه مش بيثق في حد أبدا إلا لما يتأكد من صدقه.
عريس برج القوس
- اعتمدي دايما أسلوب الحوار الواضح والصريح في الكلام معاه بدون أي لجوء للتلمحيات.
- لو حصل اي لبس في فهم كلامه اسأليه بشكل مباشر لأنه مشهور إنه بيتفهم غلط.
- كاره جدا للعصبية، فأحسن طريقة للتعامل معاه بتكون عن طريق الهدوء.
- تقبلي إن نظرته المشرقة للحياة خصوصا لما يوقع في المصاعب.
- بيحب الإكتشاف خصوصا للأماكن الجديدة علشان كدة هيحب جدا لو إنتي عرفتيه على أماكن جديدة.
- محب للمغامرات فلو إنتي مش بتحبيها فتاكدى إن مش هينفع يكون فيه علاقة معاه.
- هتحتاجي تتفهمي طبيعته الطموحة والذكية واللي بتخليه شخصية تنافسية أحيانا.
- له قدرة عالية على ملاحظة الكثير من التفاصيل فلازم تعرفي إنه هياخد باله كويس من كل حاجة.
- اظهري له الثقة بنصائحه وآرائه، لأن عند من الحكمة ما يكفي.
- تقدير حبّه لممارسة الأنشطة الرياضيّة واستمتاعه في ممارسة الأنشطة الخارجية.
اعرفي مواصفات رجل برج القوس بالتفصيل
عريس برج الجدي
- رجل برج الجدي بيتميز بشكل عام بميلهم للوحدة والعزلة الظاهرية،ولما تتقربي منه هتلاقي إنه عاطفي جدا.
- بيجمع بين الأحلام الرومانسية الكبرى والسعي للرزق والصعود الاجتماعي، وبيقدر جدا العلاقات الإنسانية وبيمنح بيته وزوجته كل الإخلاص والمحبة.
- لازم تعرفي إن أهله خط أحمر بمعنى خط أحمر وممنوع نهائي تقولي أي كلمة سلبية عنهم هو دايما هيختارهم عنك.
- الرجل الجدي في العمل يعتبر مثال للموظف التقليدي المثالي، اللي بيحرص على العمل من باب المحافظة عليه ومحاولة التقدم فيه.
- علاقته بأصدقائه قوية جدا بس تأكدي إن عمرها ما هتأثر على البيت أو الشغل.
- طباعه بتميل ناحية الروتين والتكرار فهو شخصية روتينية جدا.
عريس برج الدلو
- هتلاقي إنه عنده دايما رغبة في الدعم.
- هياخد وقت الكافي علشان يقدر اظهار مشاعره الحقيقية، ولازم تبادليه الإلتزام والإخلاص، هو على فكرة بيكون عدواني لو حس إن تم تجاهله .
- لازم تعرفي إنه مش من النوع اللي عنده رعبة في الإنفتاح على الناس تقدري تقولي إنه متحفظ جدا علاقاته.
- هو بيميل للإنعزال وعدم مشاركة الأخرين في مشاعره، هو بيحب يحافظ على الود مع الناس حتى لو العلاقة بينهم أتقطعت.
- هو شخص بيتبع قواعده الخاصة يعني لو فيه حاجة هو مش مقتنع بيها عمره ما هيغير رأيه.
- بيتمتع بالمزاجية فعلشان تنجحي معاه لازم تتقابلي الجانب ده منه.
- هو محب للنقاشات المخفزة للتفكيرظن فبلاش تتكسفي إنك تظهري الجانب ده منك، بجانب طبعا خفة الدم والضحك .
- تجنبي طرح الأسئلة الخاصة والشخصية عليه، فهو على الرغم من إنه ودود ولكنه مش بيحب يكشف كثير عن نفسه.
- تقبلي فكرة تمسكه بأفكاره ورفض التخلي عنها، ومشاركته الأفكار الغريبة والمختلفة؛ فهو بطبيعته ينجذب لكل ما هو غريب وغير معتاد.
الأبراج: مواصفات رجل برج الدلو بالتفصيل
عريس برج الحوت
- بيحب جدا الأحاديث الطويلة معه، يعني تقدري تتكلمي معاه زي ما انتى عايزة، هو بطبيعته بيحب يتعرف على الناس.
- خلي عندك ثقة في حكمته والطريقة اللي بينظر بيها للأمور.
- بيحب تقدير حبه للعزلة والهدوء والوحدة فيبيته لانه بيعتبر البيت عالمه الآمن.
- اظهري له الاحترام لأفكاره المختلفة، لأنه أوقات كتير بيظهر اهتمام للأمور غريبة.
- ادي له حريته ومتحاوليش تجبريه على القيام بالأمور بطريقة معينة هو ليه أسلوبه الخاص.
- حساس جدا فعلشان كدة لازم يكون عندك تقدير للجزئية دي فهو مخلص جدا للبيحبهم .
- خلي عند الثقة بقدرته في تنفيذ الأمور لأنه رجل المهام المتعددة.
- تجنبي طرح الأسئلة كتير وخصوصا الشخصية أو إنك تجبريه على إنه يقول أسراره خصوصا لو فيه ناس غريبة في المكان.
- اتعاملي مع عاطفته على إنها نقطة قوة مش نقطة ضعف، وقدري إحتياجه للحب الحقيقي علشان كدة يفضل إن شريكته تكون رومانسية.
تعرفي على مواصفات رجل برج الحوت بالتفصيل
What’s your Reaction?
التعليق باستخدام حساب فيس بوك