محتويات المقال
كل سنة في عيد شم النسيم، الولاد بيتهافتوا على تلوين البيض وبتبقى متعتهم وفرحتهم في الوقت ده. كل سنة إنهم يلوّنوا بنفسهم البيض، وطبعًا الطرق التقليدية للتلوين بتبقى بالألوان سواءً الألوان الطبيعية أو ألوان الطعام الصحية. لكن ممكن تغيري السنة دي مع ولادك وتعملي طرق غير تقليدية لتلوين بيض شم النسيم هتفرحهم وتخليهم يقضوا وقت سعيد. اقري المقال ده عشان نعرّفك على طرق جديدة لتلوين بيض شم النسيم وكل سنة وانتم طيبين وبخير 🙂
طرق غير تقليدية لتلوين بيض شم النسيم
- لو هتستخدمي بيض مسلوق عشان تشجعي ولادك على الأكل، بننصحك تستخدمي ألوان صحية غير سامة للتلوين، وبتتباع في المكتبات الكبرى. أو ممكن تستخدمي ألوان الطعام الصحية أو الألوان الطبيعية من مطبخك زي البنجر. وفي المقال ده، هتتعرفي على طرق تلوين بيض شم النسيم بألوان طبيعية.
- الطرق غير التقليدية ممكن تخلّي البيض غير صالح للأكل. عشان كده، بننصحك تجيبي بيض بلاستيك أو بيض فوم من أي مكتبة وتخلّي ولادك يلونوه براحتهم، وهتبقى فرصة حلوة إنهم يحتفظوا بيه كذكرى جميلة.
- بعض الطرق ممكن نستخدم فيها المقص أو مسدس الشمع. خلي بالك إنه لازم ولادك يبقوا تحت إشرافك وهم بيستخدموهم عشان تتجنبي الحوادث لا قدر الله.
تلوين البيض في شم النسيم بالجليتر
تلوين بيض شم النسيم بالجليتر
الأدوات المطلوبة
- بيض بلاستيك أو فوم
- أسياخ خشب
- صمغ
- جليتر
- أطباق
- فرشة ألوان
الطريقة:
دخلي السيخ الخشب في البيضة وحطيها في الصمغ الأبيض، عشان إيدك ما تتوسخش، وبعدين حطي البيضة اللي عليها الصمغ في طبق الجليتر وسيبيها تنشف، لو فيه أماكن ما عرفتيش تحطي فيها جليتر ممكن تستخدمي فرشة الألوان.
هنا بقى أنشطة للأطفال يعملوها في شم النسيم
تزيين بيض شم النسيم بالورق اللاصق
طرق غير تقليدية – تزيين بيض شم النسيم 2021
الأدوات المطلوبة:
- ورق لاصق أو فرخ فوم جليتر
- خرز أشكال
- مقص
- مسدس شمع
الطريقة:
ممكن تجيبي ورق لاصق من المكتبة (القص واللزق) بألوان مختلفة أو تشتري أفرخ فوم جليتر وتقطعيه على شكل نجوم أو دوائر صغيرة وتزيني بيه البيض.
احكي لولادتك حدوتة أصل عيد شم النسيم
تزيين بيض شم النسيم على شكل شخصيات
طرق غير تقليدية -تلوين البيض في شم النسيم 2021
طرق غير تقليدية – تزيين بيض شم النسيم 2021
تلوين البيض في شم النسيم 2021
الأدوات المطلوبة:
- أقلام ملونة
- بيض فوم ملون
- عيون بلاستيك
- لاصق قوي أو صمغ
الطريقة:
أسهل طريقة تعملي بيها شخصيات من بيض شم النسيم هي إنك تشتري بيض ملون فوم جاهز وتستخدمي قلم عشان تعملي الشخصيات، ممكن ببساطة تجيبي قلم أحمر وترسمي شخصية الايموجي على البيض الأصفر الملون أو تلوني البيض باللونين الأصفر والأزرق وتلزقي عين بلاستيك وتعملي شخصية Minion المحببة للولادة أو ترسمي شكل القطة وتعملي شخصية هاللو كيتي.
عمل البيض في شم النسيم بالخيوط
ودي طريقة مبتكرة ومش تقليدية لعمل بيض شم النسيم وبأدزات موجودة في البيت، اتفرجي على الفيديو ده عشان تعرفي الطريقة الصحيحة
الأدوات المطلوبة:
- خيوط ملونة
- بالونات
- غراء
أكلات شم النسيم: طريقة عمل سلطة الرنجة بالطحينة
بيض شم النسيم ورقي
طريقة مختلفة من غير استخدام البيض، هتعملي شكل للبيض ثلاثي الأبعاد وممكن كمان تعلقيه في السقف كزينة، اتفرجي على الفيديو ده عشان تعرفي الطريقة المضبوطة.
الأدوات المطلوبة:
- ورق ملون
- صمغ
- مقص
- خيوط ملونة
ودي كانت طرق غير معتادة لتلوين وتزيين بيض شم النسيم، قولي لنا أي طريقة عجبتك أكتر؟
التعليق باستخدام حساب فيس بوك