محتويات المقال
لصقات إزالة الرؤوس السوداء من أكتر الحاجات اللي بقت منتشرة ومفيدة، وسيدات كتير بيستخدموها وبيحرصوا على استعمال الشرايط اللي مكوناتها طبيعية، وده يخلينا نفكر ازاي نقدر نعمل شرائط إزالة الرؤوس السوداء من البشرة في البيت؟
علشان كده هنقدملك طريقة عمل لاصقات الرؤوس السوداء في البيت، بمكونات طبيعية متاحة وفعّالة في العناية بالبشرة:
-
لصقات بياض البيض
بياض البيض مفيد في التخلص من خلايا الجلد الميتة اللي بتسد المسام، وعشان تستخدميه لإزالة الرؤوس السوداء هتحتاجي بياض بيض ومناديل ورق سميكة، بتقطعي المناديل لشرايح وبتغمسيها ببياض البيض وبتحطيها على المكان اللي عايزة تتخلصي فيه من الرؤوس السوداء، لما الشرايح تنشف أو بعد 20 دقيقة شيليها.
-
شرائط المسام بالسكر والعسل
العسل معروف بخصائصه المطهرة، والسكر وحبيباته الخشنة بيعملوا مقشر طبيعي، وممكن تجمعيهم هما الاتنين عن طريق إنك تسخني مقدار متساوي من السكر والعسل لحد ما يمتزجوا، ولما يبردوا شوية بتحطي منهم على جلدك لغاية ما الخليط يجمد تاني وساعتها بتقشريه بلطف وتغسلي بشرتك.الخليط ده هايساعدك على تقشير وإزالة الرؤوس السوداء وتلطيف بشرتك في نفس الوقت.
-
شرائط المسام بالزبادي والجيلاتين
- الزبادي معروف بإنه مرطب قوي للجلد وملطف ومهديء للالتهابات، وده بفضل خمائر البروبيوتيك الطبيعية الموجوده فيه، مع الجيلاتين هيكون عندنا الإحساس اللزج للاصقات إزالة الرؤوس السوداء الموجودة في السوق.
- بنحضر الوصفة دي عن طريق إضافة أجزاء متساوية من الجيلاتين العادي والزبادي الطبيعي حوالي معلقة كببيرة لكل مقدار، وممكن كمان تستخدمي الحليب بدل الزبادي لكن خدي بالك إن القوام ممكن ما يكونش لزج زي ما انتي حابة لكن هيكون خفيف.
- سخني المكونات مع بعض لحد ما يمتزجوا وبعد كده سيبيهم يبردوا شوية، واتأكدي إنهم دافيين مش سخنين وبمجرد ما الخليط يبقى جاهز، حطيه في طبقة متساوية على وشك واستني 15 دقيقة أو لحد ما يتماسك الخليط على أنفك أو جبهتك أو المكان اللي انتي بتستعملي اللاصقة عليه وبعد كده ابدأي في التقشير.
- خدي بالك لو كانت بشرتك حساسة، فالجيلاتين وقدرته على الالتصاق بالجلد ممكن يبقى حاجة تسبب تهيج شديد في البشرة لما تيجي تشيليه من على وشك، جربي في مساحة صغيرة من الجلد الأول.
وتقدري تشوفي تقشير البشرة علشان تشوفي طرق ومنتجات أكتر
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك