من يومين، اتذاع لقاء بين ياسمين صبري وأنس بوخش الإعلامي الإماراتي، واللي كان له صدى واسع على السوشيال ميديا، بسبب الجمل اللي قالتها ياسمين صبري في اللقاء ده، واللي منها حاجات عجبت ناس كتير، ومنها بعض التصريحات اللي كانت مثار للسخرية والتعجب. أما احنا فهنقول لك إيه الكلام اللي عجبنا والكلام اللي ما عجبناش في مقابلة ياسمين صبري مع أنس بوخش.
-
عجبني في حوار ياسمين صبري مع أنس بوخش
الناس بتعمل اختيارات في حياتها، فيه ناس بتختار تتحمل المسؤولية للآخر وناس بتختار نفسها
وده كان ردها لما اتسألت عن علاقتها بوالدها. والحقيقة إنه كان رد هادي جدًا، وأفضل ما فيه إنها ما قعدتش تشتكي من غيابه من حياتها، أو تعيش دور الضحية، أو تستعطف الجمهور بالدموع.
أخاف أزعل ربنا لإنه كل حاجة في حياتي
هو سندي وضهري، وهو المحامي بتاعي، ووكيلي وهو كل حاجة أنا عليها. وكل ما باشعر بكده، بيديني أكتر. وربنا قالها: “أنا عند حسن ظن عبدي بي” ودي كانت تكملة كلامها عن ربنا.
الشهرة إنك تقدر تأثر
ودي من الكلمات اللطيفة اللي قالتها ياسمين، لإن فعلًا الشهرة مش صور وترندات وفساتين وبس.
هادرس علم نفس في هارفارد
ودي كلمة بتدل على طموحها، رغم إن الناس اللي حواليها قالوا لها إن دي حاجة صعبة جدًا، لكنها فعلًا سجلت في جامعة هارفارد.
وده اللقاء كامل للحوار
-
الحاجات اللي ما عجبتنيش في المقابلات
عندي شغف تجاه علم النفس وأول كتاب قرأته كان اسمه The Secret
وده ما عجبنيش لإن كتاب The Secret بيتصنف ضمن كتب التنمية البشرية مش من ضمن كتب علم النفس.
لا أشعر أبدًا بالملل
لإن الملل شعور من ضمن المشاعر الطبيعية جدًا للإنسان، ومش عيب أبدًا إن الواحد يحس بيه. بالعكس، ده بيدل إنه إنسان سوي عنده مشاعر مختلفة ومتنوعة بيمر بيها.
ودلوقتي قولي لنا رأيك، إيه اللي عجبك وإيه اللي ما عجبكيش في الحلقة دي.
جنا عمرو دياب تحكي عن معاناتها في المدرسة مع الـADHD
التعليق باستخدام حساب فيس بوك