ممارسة العلاقة الزوجية خلال نهار رمضان، من مبطلات الصيام، علشان كده الوقت المسموح بيه شرعًا للعلاقة الحميمة، هو من المغرب لحد الفجر، والحقيقة إن الفترة دي بتكون مليانة بالأحداث، من فطار وسحور ونوم وصلاة، وزيارات اجتماعية وغيرها من الأنشطة الرمضانية، ده غير لو في أطفال في البيت، لكن مع كل ده ممكن يكون في وقت ومجال لسه لممارسة العلاقة الزوجية، وهنقولك إيه أنسب وقت لها:
-
إيه هو أنسب وقت لممارسة العلاقة الحميمة في رمضان؟
علميًا، أنسب وقت لممارسة الجنس في رمضان، هو بعد وجبة الفطار بـ 3 ساعات.
عمليًا، أنسب وقت للممارسة العلاقة الحميمة في رمضان، هو الوقت اللي الزوجين يشوفوه مناسب لهم.
لإن بعد تناول وجبة الفطار، الدم والجسم كله بيكون مستنفر للجهاز الهضمي، وخصوصًا لو كان الأكل تقيل، فلو حصل الجماع في الوقت ده، ممكن القدرة على الانتصاب تتأثر، ده غير إن هيحصل مشاكل كتير في الجهاز الهضمي، زي عسر الهضم وغيره، علشان كده يستحسن تأجيل العلاقة الحميمة، لبعد الفطار بكذا ساعة، على ما تكون عملية الهضم هديت والجسم استقر وارتاح.
-
مش مناسب لنا غير بعد الفطار، نعمل إيه؟
مرات بيكون الوقت المناسب للزوجين هو اللي بعد الفطار على طول، في الحالة دي في بعض النصايح، اللي هتساعدكم على ممارسة علاقة جنسية ناجحة وممتعة:
- اكسروا الصيام بتمر وحليب رايب، أو أي حاجة خفيفة وفي نفس الوقت فيها سكر، وغنية بالعناصر الغذائية، وجهزي عصير فواكه فريش، وتقدروا تستنوا ربع ساعة بعد المغرب، وبعدها تمارسوا العلاقة الحميمة، وبعدين تاكلوا وجبة الفطار الأساسية.
- ابعدي عن الكركديه والمشروبات اللي ممكن تلخبط لكم ضغط الدم، أو أي مشروبات وأكلات تقيلة، أو أي حاجات بتسبب لكم غازات أو متاعب في الهضم وفي القولون.
- حاولي تجهزي الأجواء من قبل المغرب، علشان ما تستغرقيش وقت طويل في التجهيز بعد الفطار.
مبطلات الصيام في رمضان بين الزوجين
التعليق باستخدام حساب فيس بوك