أغلبنا لما بيعمل دايت، أول حاجة بيبان عليها نزول الوزن هي الوجه، وللأسف ممكن يكون شكل الوش مرهق أكتر ما هو خاسس، ومش كل الناس وشها مليان فلما تخس، ما يبانش عليه قوي، علشان كده في المقال ده هنقولك على حلول لو وشك بيخس مع الدايت ممكن تعمليها وحافظي على نضارة وشك أثناء الرجيم.
ليه الوش بيخس قبل الجسم في الرجيم؟
الحقيقة إنه مش بيخس قبل الجسم ولا حاجة، هو بيحصل نزول في الوزن كله، بما فيها أي دهون في الوش، وبما إن دهون الوجه مش عنيدة زي دهون البطن والأرداف مثلا، فبتنزل بسرعة، بس في حاجات لو عملتيها، هتفرق معاكي في مظهر وشك أثناء الرجيم.
تخسيس بدون رجيم .. سلوكيات في حياتك اليومية هتخسسك
أهم النصائح علشان لو وشك بيخس مع الدايت
-
اشربي مياه كتير
كلمة السر في حاجات صحية كتير، هي المياه، والمياه معناها شرب أكتر من لتر ونص في اليوم، وخصوصًا في الشتاء، لإنك بتكوني مش عطشانة، فبتنسي تشربي، وفوايد المياه على الحفاظ على الصحة لا تعد ولا تحصى، وهتلاحظيها كويس قوي في بشرة الوجه، وهتديه نضارة وترطيب، ومش هتخلي شكله مرهق.
-
الدايت الصحي
صحيح إننا بنكون عاوزين نخس بسرعة، فبنضطر نعمل ريجيمات زي ريجيمات اليوم الواحد، أو التمر والحليب، وغيرها من الريجيمات السريعة، بس الريجيمات دي بتزود مشكلة خسسان الوش جدًا، لإن عناصرها الغذائية مش متوزانة، وبالتالي الوش بيفقد نضارته وحيويته، والريجيمات دي ممكن تعتمدي عليها لو عندك مناسبة أو لأي سبب طبي، لكن ما تنفعش تتكرر كتير، او تكون نظام حياة.
-
المشي
المشي مش بس بتساعد على نزول الوزن بشكل أسرع، لكن بتحرك الدهون العنيدة اللي في أجزاء الجسم كله وبتفتتها، فبتخلي نزولها أسرع، وده بيخلي الاختلاف ما بين الجسم والوجه مش كبير.
-
الجيم
الجيم مفيد لإنك عندك إمكانية تشتغلي على أجهزة، تركز على أجزاء معينة في جسمك، وخصوصًا لو في أماكن تركز للدهون في جسمك، وبقية جسمك كويس.
تمارين شد البطن في البيت .. 10 تمارين بدون أوزان
التعليق باستخدام حساب فيس بوك