محتويات المقال
البيبي أول ما يبدأ يكتشف حركة إيده ورجله، ويبدأ يتحكم فيهم أكتر بيبدأ على طول أي حاجة يمسكها بإيده يدخلها على بقه فورًا بدون تفاهم، وطبعًا احنا الأمهات الموضوع ده بيخلينا حاطين عينينا في وسط راسنا طول الوقت وبنسأل دايمًا حتى جوجل “ابني يضع كل شيء في فمه” أعمل إيه؟ في المقال ده، هاقول لك على سبب المرحلة دي اللي اسمها المرحلة الفموية أو baby mouthing، وبعدين هنقول لك خطة تعديل سلوك وضع الأشياء في الفم.
أسباب إن الطفل بيحط كل حاجة في بقه:
- بيكتشف العالم بطريقته: الطريقة الأولى للطفل لاكتشاف العالم حواليه لإن تكوين إيده مش بيكون اكتمل بالشكل اللي يسمح له يفرق بين ملمس الأشياء فبيلجأ إنه يكتشف عن طريق الفم.
- بيهدي نفسه: البيبي بيستخدم مص صوابعه وأوقات إيده كلها ورجله كمان كطريقة إنه يهدي بيها نفسه ويحس بالأمان.
- التسنين: أوقات التسنين بيكون سبب قوي يخللي البيبي يحط أي حاجة تقابله في بقه ويفضل يعض عليها لأن اللثة بتاعته بتكون واجعاه.
- بيبني جهازه المناعي: المرحلة الفموية بتعرض الطفل لأنواع مختلف من البكتريا والفيروسات لأول مرة وبالتالي الجهاز المناعي بينشط ويبدأ يحضر نفسه لمحاربتها.
هل المرحلة الفموية أمان؟
المرحلة ده وإن البيبي يحط كل حاجة في بقه ده مرحلة طبيعية من نمو الطفل بتبني جهازه المناعي وبترضي عنده فضول الإستكشاف والتعلم عنده مش هنقدر نمنعها تماما ولكن ده مش معناه إننا ناخد إحتياطتنا ونأمن الطفل.
دورنا إيه في المرحلة ده؟
طبعا مش معني إننا عرفنا غن المرحلة الفموية مهمة وطبيعية في حياة الأطفال يبقي نسيبهم ينطلقوا في كل مكان ويلحسوا الأرض عادي لازم إشراف طول الوقت مننا ومراقبة ليهم وأهم حاجات نتأكد منهم:
- التأكد من نظافة الحاجات اللي بيحطها ف بقه
- التأكد من عدم خطورتها أو إمكانية بلعه ليها نركز إن كل ما الطفل يكبر فهو بق الطفل بيكبر، يعني الحجم الآمن للعب وهو عنده 4 شهور، هو حجم خطير وممكن يتبلع بسهولة وهو عنده 11 شهر، فلازم يحصل فرز شهري للعب ونتخلص من أي حاجة ممكن الطفل يبلعها لا قدر الله.
- دايما نوفر للبيبي بدايل مناسبة تغريه علي قد ما نقدر، ترضي عنده فضول الإكتشاف عن طريق بقه.
- نقفل أبواب الحمامات والمطابخ ونتأكد إنه مايقدرش يوصل للمنظفات أو أي مواد كيميائية.
المصادر:
التعليق باستخدام حساب فيس بوك