عندنا معلومات عامة كده إن الحامل ما ينفعش تاخد أي أدوية، إلا المسكنات الخفيفة وبحذر، وبتحاول السيدات الحوامل فعلًا إنهم يبعدوا حتى عن المسكنات قدر الإمكان. إلا أن مرات بتجي لهم أمراض أو أعراض بيحتاجوا فيها مسكن، ومن أشهر المسكنات: الأدوية اللي بتحتوي على مادة الباراسيتامول، فهل ده مناسب للحامل وللجنين؟ ده اللي هتعرفيه حالًا:
-
إيه هي مادة الباراسيتامول؟
ينتمي الباراسيتامول لمجموعة الأدوية المسكنة للآلام وغير المخدّرة، وبيستخدم -بدون إفراط- بدون روشتة طبيب، وبيسكّن الآلام الخفيفة والمتوسطة ولخفض الحرارة.
-
هل في مخاطر من الباراسيتامول على الحامل؟
- عمومًا، بينصح الأطباء بعدم تناول أي أدوية في أول 3 شهور من الحمل، لإن الجنين بيكون لسه في طور التشكيل وأي دواء أو مادة هتدخل جسمك هتأثر عليه. لكن في حالة إن جالك صداع شديد أو نزلة برد، فهتحتاجي تاخدي مسكن.
- كل المسكنات اللي بتحتوي على مادة الباراسيتامول، مفيش دراسة طبية قاطعة بتقول إنها آمنة على الحامل وعلى المرضع.
- لكن فيه بعض الأبحاث اللي بتقول إن في احتمالية تأثير الباراسيتامول سلبيًا على خصوبة جنينك لو كان ذكر.
- وممكن لا قدر الله تتسبب في فرط الحركة للجنين، لكن دي احتمالات غير مؤكدة لحد دلوقتي.
اعرفي هنا عن أعراض وعلاج البواسير في الحمل
-
إيه هي المسكنات المسموح بيها للحامل؟
المسكنات اللي بتحتوي على مادة الـ أسيتامينوفين، بتعتبر آمنة على الحوامل، لكن لازم تاخديها بانضباط لإن هي كمان الإفراط منها له المخاطر دي:
- لو عندك مشاكل في الكبد، أو بتعاني من حساسية من المادة دي قبل كده، فتناولها هيسبب لك مشاكل صحية.
- لازم تاخديها بحذر شديد لإن الإفراط منها ممكن يسبب لا قدر الله الإجهاض والتشوهات الخلقية
- ممنوع استخدامها لو بتتناولي كمية كبيرة من الكافيين أثناء الحمل.
الأنيميا أثناء الحمل .. المخاطر والتحاليل اللازمة والعلاج
والنصيحة الأهم على الإطلاق إنك لازم تستشيري طبيبك، قبل ما تاخدي أي أدوية أو مسكنات، مهما سمعتي إنها آمنة على الحوامل، لإنها ممكن ما تكونش آمنة في حالتك، فرجوعك لدكتورك مش رفاهية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك