الرضاعة الطبيعية ممكن تكون من أجمل التجارب اللي بتعدي بيها معظم الأمهات. لكن بعض الأمهات بتكون عندها مشاكل أو مخاوف من عملية الرضاعة الطبيعية لها علاقة بشكل الجسم، خصوصًا منطقة الثدي. ترهل الثدي من الحاجات اللي بتخوف الستات من الرضاعة الطبيعية. في المقال ده، هاقول لك أسباب ترهل الثدي وشوية نصايح لو انتي خايفة من الرضاعة الطبيعية للسبب ده.
أسباب ترهل الثدي
- التقدم في العمر
- الحمل والرضاعة أكتر من مرة
- فقدان الوزن المفاجيء
- التدخين
اعرفي مشكلة تانية من مشاكل الرضاعة الطبيعية: الرضاعة من ثدي واحد واعرفي حلها
يعني نقدر نقول إن ترهل الثدي مش بيحصل بس بالرضاعة الطبيعية وإن فيه عوامل تانية بتخلي الثدي يترهل. ودي حاجة في إيدك علاجها عن طريق تمارين شد الصدر ورفعه، أو على أسوء الظروف، ممكن عملية لشد ورفع الثدي.
نصيحة مني ليكي
ما تخليش حاجة زي دي تكون هي الحاجة الحاسمة الوحيدة في قرارك بالرضاعة الطبيعية أو لا. فيه أمهات بتقرر ما ترضعش ولادها طبيعي وبيكون لهم أسبابهم الطبية والنفسية، لكن ما تخليش نقطة خوفك على شكل جسمك هي الفيصل. افتكري دايمًا إن جسمنا هو اللي شايل روحنا .. هو الوعاء اللي فيه الروح وهو اللي بيوصل لنا إحساسنا بالعالم وإحساس العالم بينا، لكن مش لازم يكون بمقاييس جمال فريدة من نوعها عشان يعجبنا. افتكري إن جسمك شهد معجزة إنك تعملي بني آدم بحاله في رحمك، وافتكري إن الرضاعة دي معجزة تانية. جسمك حلو .. عشان انتي حاسة بطفلك وهو باصص في عينيكي وبيرضع. جسمك حلو عشان انتي بتشوفي ولادك وسامعاهم وبتجري وراهم وبتكلميهم وحتى بتصرخي منهم .. جسمك حلو لإنك أم.
لو بتعاني من أعراض نفسية بعد الولادة، اعرفي أعراض ذهان ما بعد الولادة من هنا واعرفي ازاي تتجنبي المشاكل النفسية بعد الولادة.
مصدر ساعدنا في كتابة المقال
Healthline
التعليق باستخدام حساب فيس بوك