محتويات المقال
اللي متابع مسلسل عروس بيروت هيلاقي إن الفرحة برجوع القصر للست ليلى ما كملتش بعد الأحداث الكبيرة اللي مرت بيها.. وفاة آدم ودخول خليل المستشفى كانوا صدمة كبيرة بالنسبة لها وابتدى يظهر عليها أعراض كتير سببت قلق ليها ولدكتور العيلة.. وكانت الأعراض دي هي التوهان وقلة التركيز والنسيان وكان تشخيص الأعراض دي هو مرض الزهايمر. يا ترى إيه هو مرض الزهايمر وإيه أعراضه؟
مسلسل عروس بيروت الجزء التالت: ما كفاية بقا يا لوجي
تعريف وأعراض مرض الزهايمر
مرض الزهايمر هو ضمور في خلايا المخ السليمة وبيسبب ضعف المهارات العقلية والذهنية وفي بعض الحالات ضعف المهارات الاجتماعية وأعراضه هي:
- نسيان أحداث مهمة ومواعيد.
- التوهان وقلة التركيز.
- تكرار نفس الجمل والعبارات.
- المزاج المتقلب والعدوانية.
- التوهان في أماكن مألوفة وعدم معرفة اتجاههم.
- ضياع الأغراض الخاصة بهم ونسيان أماكن وضعها.
- وجود صعوبة في التعبير عن أنفسهم.
وفي بعض الحالات المتأخرة من الزهايمر بتتطور الأعراض زي:
- فقدان القدرة على التصرف في المواقف زي حالات الطوارىء.
- العدوانية.
- عدم القدرة على تذكر الاسم والعنوان وأفراد العائلة.
- الأوهام وتخيل أشياء غير موجودة.
- الخرف.
- فقدان القدرة على عمل المهام البسيطة مثل العناية الشخصية وتحضير الطعام.
ليه الأمهات بيحبوا ظافر العابدين في عروس بيروت؟
التشخيص
في معظم الحالات بيتم تشخيص المرض بشكل دقيق بعد عمل مجموعة من الفحوصات ومنها:
- تحاليل
- آشعة مقطعية
- رنين مغناطيسي
- اختبارات مسح الدماغ
- اختبارات علم النفس العصبي
الأسباب والعلاج
مرض الزهايمر بيكون بسبب تلف في خلايا المخ العصبية والاصابة بمرض الزهايمر غير معروف بشكل قاطع وفي معظم الأحيان بيعتقد العلماء إن الأسباب وراثية، اما العلاج فللاسف مفيش علاج لكن فيه بعض الأدوية اللي ممكن تقلل من الاعراض بشكل مؤقت وتقلل من المضاعفات. وفي معظم الاحيان بينصح الدكاترة بابتاع نمط حياة معين زي عدم تغيير نمط الحياة للفرد واحتفاظ بالروتين الخاص بيه، ووضع المقتنيات المهمة في نفس الأماكن، ممارسة التمارين الرياضية والقراءة وكتابة المذكرات.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك