مرض السكر أصبح للأسف من الأمراض المنتشرة واللي معدلاتها بتعلى كل سنة عن اللي قبلها، رغم كل التوعية اللي ممكن تكون موجودة دلوقتي بس الوضع مش رايح في اتجاه التحسن في أرقام الإصابة بمرض السكر، واللي دلوقتي تقريبًا بيصاب بيه الجميع في مختلف الأعمار. بس النهارده هنتكلم بشكل خاص عن أثر الإصابة بمرض السكر على المرأة وخصوبتها وصحتها، هنعرف السكر الدورة الشهرية بيأثر عليها إزاي.
أعراض سكر الحمل وطرق الوقاية منه .. برعاية كوينز رويال
تأثير مرض السكر على الإنجاب عند النساء
حاليًا الدراسات أثبتت إن مرض السكر ممكن يكون له تأثير سلبي على الصحة الإنجابية للمرأة، خصوصًا لما يكون فيه إهمال في الحفاظ على معدلات السكر الصحيحة في الدم، واللي نتيجته بتكون تعرض المرأة للإصابة بالعديد من الأمراض زي
-
متلازمة تكيس المبايض PCOS
من آثار مرض السكر على الإنجاب هي الإصابة بمرض اسمه متلازمة تكيس المبايض، فالإصابة بالمرض ده مرتبطة بالإصابة بمرض السكر من النوع التاني بشكل أساسي، ومرض السكر من النوع الأول لو بيتاخد له جرعات أنسولين عالية بشكل يومي. المرض ده بيأثر على الخصوبة لأن بسببه بيحصل ارتفاع في هرمون التستوستيرون، واللي بسببه بتحصل مشكلة زي ندرة الطمث وااللي هو الفترة بين الدورة والتانية بيوصل لأكتر من 35 يوم، أو حتى الإصابة بانقطاع للطمث واللي هو بيكون اضطراب في مواعيد الدورة الشهرية بحيث تكون بين الدورة واللي بعديها فترات بتتراوح من تلات شهور لستة.
تكيس المبايض: الأعراض والعلاج بالتفصيل
-
سن اليأس المبكر
من أشكال تأثير مرض السكر على الصحة الإنجابية الوصول لسن اليأس المبكر. وده بيكون مرتبط أكتر بالغصابة بمرض السكر من النوع الأول.
انقطاع الطمث: ازاي تحافظي على صحتك قبل سن انقطاع الدورة
-
سرطان بطانة الرحم
للأسف أثر مرض السكر على الإنجاب ممكن يظهر في شكل الإصابة بسرطان بطانة الرحم. النوع ده من السرطان بيظهر بشكل أكبر عند السيدات اللي عندهم مرض السكر من النوع الثاني، لو لم يتم تشخيصه بدري ده ممكن يسبب الإصابة بالعقم.
دليلك الشامل عن بطانة الرحم المهاجرة وتأثيرها على الحمل
-
أمراض القلب
من مضاعفات الإصابة مرض السكر من النوع الأول هو التعرض للإصابة بأمراض القلب والأوعية الدموية.
العلامات المبكرة لـ انقطاع الدورة الشهرية
-
الإجهاض
من تأثيرات مرض السكر على الصحة الإنجابية إنه للأسف ممكن يسبب إجهاض، وده بسبب عم الحفاظ على معدلات السكر في الدم في المستوى الصحي.
تثبيت الحمل في الأسابيع الأولى بطرق طبيعية لمنع الإجهاض
أضرار مرض السكر على الحامل
لو كانت الإصابة بالسكري حصلت قبل الحمل أو خلاله (واللي هو معروف باسم سكر الحمل)، فمرض السكري لو ما اتحكمناش فيه له تأثير سلبي على السيدة الحامل وعلى الجنين. فرصة الإصابة بسكر الحمل بتزيد أو لو كانت الأم بتعاني من زيادة الوزن أو من مقدمات الإصابة بيه، أو عندها تاريخ عائلي لمرض السكر، أو مصابة بمتلازمة تكيس المبايض.
يعتبر سكر الحمل من الحالات المؤقتة اللي ممكن تصيب بعض الأمهات خلال الحمل. وغالبًا الحالة دي بتنتهي بعد الولادة، لكن لو حصل لك خلال الحمل، اعرفي إنك معرضة للإصابة بمرض السكر من النوع التاني فلازم تتابعي حالتك باستمرار.
ارتفاع سكر الدم ممكن يسبب مشاكل صحية مختلفة، ومن أضراره على المرأة سواء قبل الحمل أو خلاله:
- ارتفاع خطر تسمم الحمل.
تسمم الحمل .. أعراضه وأسبابه وعلاجه
- ارتفاع احتمالية الحاجة للولادة القيصرية.
4 حالات تستدعي الولادة القيصرية .. أسباب مهمة
- ارتفاع خطر الإجهاض.
- ارتفاع خطر الولادة المبكرة.
أسباب الولادة المبكرة وأعراضها
- التعرض لنزيف حاد بعد الولادة.
كل أسباب النزيف المهبلي أثناء الحمل في مراحله المختلفة
- التعب الشديد المستمر، وفقدك القدرة على ممارسة المهام اليومية بشكل طبيعي.
إحنا عارفين إنك تعبانة! بلاها سوبر وومان
نصائح للإنجاب مع وجود مرض السكري
التحكم بمستويات السكر في الدم ممكنة، وحتى إلغاء تأثير مرض السكر على الإنجاب ممكنة، بس ده هيكون من خلال اتباع شوية نصائح، زي مثلا:
* المتابعة الطبية
لازم تستشيري طبيب مختص قبل البدء في محاولات الحمل، لأن فيه شوية إجراءات طبية ممكن تتاخد تخدم الهدف ده، زي:
• تغيير الأدوية حسب إرشادات الطبيب.
• علاج بعض المشاكل الطبية التانية في حالة وجودها.
* الحفاظ على الوزن الصحي
الحفاظ على الوزن الصحي أساسي في الحفاظ على مستوى سكر الدم، لو كتلة الجسم ارتفع مؤشرها عن 30، فده ممكن يأثر جدًا على الخصوبة. علشان كده، يُنصح دايمًا بخسارة من 5% لـ 10% من الوزن قبل الحمل.
* الحفاظ على الرياضة
التمارين الرياضية بطبيعة الحال بتساعد على صحة الجسم، وبالتالي حرق أعلى للطاقة والحفاظ على معدلات السكر في الدم.
* اتباع نظام غذائي صحي
مهم جدًا الحفاظ على الغذاء الصحي المتوازن وقت محاولة الحمل، تقدري تستشيري أخصائي التغذية علشان تحصلي على مساعدة صحيحة، ده طبعًا بجانب تناول الفيتامينات الخاصة بالحمل قبل الحمل زي حمض الفوليك.
5 أكلات لمرضى السكر شهية وسهلة
التعليق باستخدام حساب فيس بوك