محتويات المقال
مرض ضمور العضلات من الأمراض المزمنة اللي مش سهلة وبتحتاج متابعة طول الوقت ورعاية للطفل، واللي ما كناش نسمع عنها قوي غير الكام سنة اللي فاتت. ضمور العضلات هو مرض بيتسبب في التقلص التدريجي لعضلات الجسم وضعفها نتيجة الفقدان المستمر للخلايا العضلية. في المقال ده، هنقول لك الأسباب اللي بتؤدي لمرض ضمور العضلات وأنواعه.
أسباب وأنواع مرض ضمور العضلات
-
Duchenne Muscular Dystrophy
بيحصل نتيجة لطفرة بتحصل في الجين المسؤول عن إنتاج بروتين ديستروفين، وده أكتر الأنواع انتشارًا وكمان شائع في الولاد أكتر من البنات.
-
Spinal Muscular Dystrophy
بيكون سببه طفرة في جين تاني وهو SMN1 وده اللي بيسبب موت تدريجي للخلايا العصبية في الحبل الشوكي واللي بدورها بتسبب ضعف وضمور للعضلات.
-
Myotonic Muscular Dystrophy
وده بيكون بسبب وراثي بتسبب تشنج في العضلات، وضعف تدريجي في عضلات الوجه والأطراف.
طيب إيه هي علامات مرض ضمور العضلات الشوكي عند الأطفال؟
- ارتخاء في الرأس وعدم القدرة علي تثبيتها
- ضعف في الذراعين والساقين
- تنفس سريع واضح على البطن
- صعوبة في الأكل والبلع
- صعوبة في إنه يقعد من غير مساعدة أو دعم بعد ما يتم 6 شهور
- عدم القدرة على التقلب أو التدحرج
- رعشة في الإيدين
- بطء ملحوظ في النمو البدني
إمتى أقول ابني بيعاني من تأخر الكلام أو التسنين أو المشي
طيب إيه هو علاج مرض ضمور العضلات؟
لو لاحظت العلامات ده على طفلك حتى لو كان باين عليه إنه نشيط ومتفاعل معاكي، مهم تتوجهي فورًا لطبيب الأطفال عشان تطمن، بالرغم إن مفيش علاج محدد لمرض ضمور العضلات. لكن فيه بعض العلاجات المساعدة زي:
- العلاج الطبيعي: اللي بيساعد على المشي والحركة.
- العلاج النفسي: وده مهم جدًا لدعم الطفل نفسيًا واللي بيفرق معاه كمان في قدرته على تقبل اختلافه.
- العلاج الدوائي: فيه بعض الأدوية اللي الطفل بياخدها تحت إشراف الطبيب واللي بتساعد على تقوية العضلات.
- العلاج الجراحي: وده بيتم التوجه ليها في مراحل متقدمة للمرض، لتصحيح التشوهات الجسدية والتقلصات العضلية اللي يعاني منها المريض.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك