رمضان 1443/ 2022 قرب جدًا، وواحدة من الأسئلة اللي بنبدأ نسألها من قبل رمضان بشهور هي يا ترى إيه مواعيد عرض مسلسلات رمضان 2022؟ وإيه قنوات ومواعيد العرض؟ عشان كده، قررنا نرد على كل الأسئلة دي ونقدم لكم قائمة مسلسلات رمضان 2022. ومعاها قنوات العرض ومواعيد العرض. كلنا حماسة لمتابعة المسلسلات، قولوا لنا في التعليقات هتشوفوا إيه من المسلسلات دي؟
لو فاتك حاجة من رمضان اللي فات، هنا قائمة مسلسلات رمضان 2021 وقنوات العرض بالمواعيد
قائمة مسلسلات رمضان 2022 كاملة
أحوال شخصية / فاتن أمل حرب – نيللي كريم 2022
من المسلسلات اللي غيرت اسمها مسلسل نيللي كريم الجديد. المسلسل كان اسمه أحوال شخصية وبقى اسمه على اسم الشخصية الأساسية وهي فاتن أمل حربي.
الاختيار 3 – مسلسل أحمد السقا رمضان 2022
الجزء التالت من المسلسل بيحكي بطولات الجيش والشرطة في محاربة الإرهاب. نجوم المسلسل هم أحمد السقا، أحمد عز، ياسر جلال وكريم عبد العزيز.
جزيرة غمام
مسلسل جزيرة غمام هيدور في مصر من أكتر من 100 سنة.
هجمة مرتدة 2 – مسلسل أمير كرارة 2022
زي ما شفنا الجزء الأول من هجمة مرتدة كان من ملفات المخابرات العامة المصرية وكان من بطولة أحمد عز. الجزء التاني من المسلسل هيكون من بطولة أمير كرارة وهيكون معاه في الجزء ده أمينة خليل. اسم الجزء بيترجح إنه يكون “العائدون من داعش” أو “الرايات السوداء”.
المشوار – مسلسل محمد رمضان 2022
محمد رمضان بيشارك في مسلسل المشوار من إخراج محمد ياسين والبطولة النسائية دينا الشربيني.
قلب واحد / ملف سري
قلب واحد من المسلسلات اللي غيرت اسمها من قبل ما نبدأ وأصبح اسمه “ملف سري”. هاني سلامة بيصور مسلسل قلب واحد وهيكون في البطولة معاه عائشة أحمد. يا ترى الاسم اتغير ليه؟
أحلام سعيدة – مسلسل يسرا 2022
مسلسل يسرا رمضان 2022 هو مسلسل أحلام سعيدة. وبتشارك فيه غادة عادل ومي كساب وانتصار وشيماء سيف يا ترى كل البطولات النسائية دي ليه؟
رانيا وسكينة
رانيا وسكينة مسلسل بطولة نسائية مشتركة بين روبي ومي عمر .. روبي بتتدرب حاليا على سواقة التريلات في إمبابة .. يا ترى إيه علاقة ده بريا وسكينة؟
يوتيرن
مسلسل يوتيرن من بطولة ريهام حجاج هو المسلسل اللي هيرجع به توفيق عبد الحميد بعد غياب طويل عن الدراما وحتى السينما. المسلسل في بطولته مع ريهام حجاج صفاء الطوخي وعبير صبري ومحمود حجازي.
راجعين يا هوا
خالد النبوي ومعاه نور وهنا شيحة هيطلوا علينا بمسلسل راجعين يا هوا. المسلسل متاخد من مسلسل إذاعي قديم للكاتب الكبير أسامة أنور عكاشة.
الكبير أوي 6
مسلسل الكبير قوي بعد الأجزاء الكتير الناجحة بكوميدياها المتفردة هنشوف منه جزء جديد في رمضان 2022. لكن هنلاقي تغيير في الكاست لإن الفنانة دنيا سمير غانم اعتذرت عن المسلسل وهتحل محلها الفنانة رحمة أحمد.
مكتوب عليا
أكرم حسني .. بعد الهدنة اللي أخدها في 2021 من موسم رمضان، هيرجع بمسلسل مكتوب عليا مع عمرو عبد الجليل، آيتن عامر وهنادي مهنا.
اتجاه إجباري
اتجاه إجباري مسلسل قصير (15 حلقة) من بطولة منه شلبي وأحمد داوود.
المداح 2
حمادة هلال اتبسط من رد الفعل على مسلسل المداح رمضان اللي فات، وهيعمل جزء تاني من المسلسل لكن مع هبة مجدي لإن نسرين طافش اعتذرت.
يوميات زوجة مفروسة 5
داليا البحيري وخالد سرحان بيكملوا مسلسلهم يوميات زوجة مفروسة للموسم الخامس.
دايمًا عامر
التعاون بين المخرج مجدي الهواري ومصطفى شعبان ما زال مستمر. المسلسل الجديد هو دايمًا عامر وبتشارك مصطفى شعبان ميرنا نور الدين ونجلاء بدر ولبلبة.
عودة الأب الضال
مسلسل كوميدي من بطولة بيومي فؤاد وعبير صبري.
عالم موازي
زي عادتها، دنيا سمير غانم بتتعاون مع هشام جمال في مسلسل رمضاني جديد وهو عالم موازي. والأبطال معاها هم شيماء سيف، محمد ثروت وعمرو وهبة.
Suits سوتس بالعربي
سوتس أو Suits (بالعربي بدل) هو مسلسل أمريكي عن قصة حياة الكاتب. التمصير هيكون أبطاله هم آسر ياسين وصبا مبارك وأحمد داوود ومحمد شاهين.
شغل عالي
مفيش تقريبًا أي تفاصيل عن المسلسل غير إنه من بطولة فيفي عبده وشيرين رضا.
ولاد عابد
المسلسل من بطولة آيتن عامر ورياض الخولي وصبري فواز ومحسن محيي الدين وصفاء الطوخي ولطفي لبيب.
توبة
عمرو سعد هيكون بطل مسلسل توبة اللي هيكون في إطار اجتماعى شعبى، ويشارك في بطولته ماجد المصرى، أحمد بدير، دياب، صبا مبارك، أسماء أبو اليزيد، كريم عفيفي.
سيد بابلو
المسلسل دراما شعبية وفيه بعض مشاهد الأكشن، وبتدور أحداثه في إطار درامي مشوق. المسلسل بطولة حسن الرداد وسوسن بدر وصلاح عبد الله.
بيت الشدة
مسلسل من بطولة وفاء عامر، أحمد وفيق، مها أحمد، محمد مهران، محسن منصور، أحمد التهامي، ومدحت تيخا.
التعليق باستخدام حساب فيس بوك