بدأ سباق مسلسلات رمضان 2021، ونقده والتعليق عليه من بدري السنة دي، ومن الحلقات الأولى لكل مسلسل بانت هوية العمل الفني، ومن المسلسلات اللي مطلعتش “ترند” في الأيام الأولى لرمضان، هو مسلسل الطاووس، واللي بيحكي عن قضية اغتصاب فتاة الفيرمونت، واللي هزت الرأي العام المصري لفترة مش قليلة.
وفجأة لقينا خبر عن التحقيق مع فريق عمل مسلسل الطاووس، واحتمالية منع عرض المسلسل، للأسباب اللي جت في بيان المجس الأعلى لتنظيم الإعلام، وده كان نص البيان:
ويعتبر البيان ده دعاية مجانية للمسلسل، لإنه خلى ناس كتير تتابعه وتشوف فين مخالفته لقيم المجتمع والأسرة المصرية، وفي نفس الوقت ده خلى الناس تفتكر القضية الأصلية اللي اتبنت عليها قصة المسلسل.
وظهرت ردود فعل كتير منها:
رد المخرجة ماجدة عادل خيرالله:
وفعّلت منى زكي هاشتاج #ادعم_مسلسل_الطاووس على ستوريز حسابها الرسمي على الانستجرام:
منع مسلسل الطاووس رمضان 2021
دي كانت أبرز ردود أفعال للمشاهير لحد دلوقتي، بس ردود أفعال المشاهدين كانت كلها بتتكلم إنه هل فعلا سبب المنع هو خدش قيم الأسرة المصرية؟ ولا دي ضغوطات من المتهمين في قضية الفيرمونت الأصلية؟ وخصوصًا إنهم أبناء عائلات غنية ومشهورة في البلد؟
وإذا اقتنعنا بإن السبب هو الحفاظ على القيم، طيب ليه بقية المسلسلات اللي في هدم واضح لأخلاقيات المجتمع المصري، ونشر قيم البلطجة والعنف مش بتتمنع برضه؟
كان في رأي بيقول إن السبب الحقيقي، إن الجريمة مؤلمة ومش عاوزينها “تنكد” على المشاهدين في رمضان، بس اللي بيخلي الرأي ده ضعيف، إن مسلسل تاني مشهور نيّم مصر كلها متنكدة من يومين، وما اتمنعش ولا حاجة.
هل إحنا بنقول إن قضية الفيرمونت مش مؤلمة؟ هي مؤلمة وقاسية لأقصى حد، علشان كده مهم جدًا تجسيدها، وخصوصًا إنها مابقتش جرائم شاذة واستثنائية في مجتمعنا، على العكس انتشرت حالات الاغتصاب والتحرش بالبنات والسيدات والأطفال وكادت تبقى خبر إسبوعي إن ما كانش يومي.
ومع كده حادثة الاغتصاب اتجسدت واتمثلت بحرفية عالية، بحيث توصل اللي حصل للمشاهد، بدون ما تعرض له مشاهد صادمة أو مقززة أو خادشة للحياء.
الناتج النهائي، إن مسلسل الطاووس مسلسل بيقدم قضية حقيقية، زي ما حكتها المجني عليها الحقيقية، وزي ما جه في شهادات الشهود، بدون ما ينزل العمل الفني للإسفاف أو الابتذال أو الإثارة، مسلسل دسم وبيكشف عن أخطاء كبيرة في تربية الشباب اللي بيتحولوا لمجرمين في يوم من الأيام.
لو اتفرجتي على مسلسل الطاووس، قوليلنا رأيك في قرار منعه وتحويل فريق العمل للتحقيق.
وبمناسبة الكلام عن القيم، شوفي المقال ده هيفيدك جدًا: مشاهدة الأطفال لمسلسلات رمضان: إيه ينفع وإيه لا؟
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك